Di pêşengtiya jina Kurd a têkoşer de tevayî jinên Rojhilata Navîn û cîhanê xwe bi rêxistin kirin. Jina Kurd a têkoşer da nişandan ku li tevayî cîhanê pêşketin û Azadiya jinê bi şer û têkoşîna jinê ve girêdayî ye.
Jina Kurd di
pêşengtiya Rêberê gelan birêz Abdullah
Ocalan de êdî li tevayî cîhanê deng vedaye. Gotina Rêbertî ya ku ji bo jinan
dibêje ‘Şer dike Azad dibe, Azad dibe bedew dibe, bedew dibe tê heskirin.’ Tam
jî ji bo demek wisa tê gotin ku jina Kurd di pêşengtiya tevgera azadîxwaz a Kurdistanê
de xwe bi rêxistin kiriye.
Piştî
qetilkirina jîna Emînî li seranserî Îran, Kurdistan, Afganîstan û tevayî cîhanê di bin navê dirûşmeya
‘Jin Jiyan Azadî’ de deng veda û bû sembola têkoşîn û azadiyê li dijî zordar,
tecawizkar, desthilatdar û hişmendiya zilamê paşverû.
Jîna Emînî
jinekî Kurd bû ku di dîroka 2022’ an de li Îranê ji aliyê polîsên exlaq ve bi
hovane hatibû qetilkirin, di bin navê namûsê de. Rejîm û sîstema paşverû ya
Îranê hesab nedikir ku di pêşengiya Rêber Apo û tevgera jin a Kurd de jin
hatine bi rêxistin kirin. Rejîma Îranê her çiqasî xwest pêşî li serhildanên gel
bigre jî lê nekarî rawestîne û di pêşengiya jina Kurd a azadîxwaz de dirûşmeya ‘Jin
Jiyan Azadî’ weke helwestek gerdûnî lêhat
û jinê li dijî hişmendiya zilam ya paşverû serkeftin bidestxistiye.
Jina Kurd
a rêxistinkirî li çiyayên Azad di bin pêşengiya YJA Star de rêxistina xwe
gihandine asta herî jor û weke guleyekî di dilê dijmin û faşîzma Erdoxan de
teqiya. Îrade, hêz û vîna jina Kurd ya
li çiyayên Kurdistanê tê pêşxistin tirs û xof xistiye di nav tevayî dijminên
jinê û ji bo tevayî jinan jî bûye hêviya Azadiyê.
Bi taybet
jî di hilbijartinên 31’ê Adara 2024’an a li Bakurê Kurdistanê pêkhatî de jina Kurd
bi reng û xemla xwe, bi hêz û vîna xwe, bi sîstema xwe ya hevserokatiyê li hemû
bajar, navçe, gund û kolanan bû sembol û pêşenga têkoşînê. Her wiha diyar kirin
ku ji derveyî têkoşînê ti rêyek din li pêşiya wan nîne û rêyek din jî qebûl
nakin.
Êdî bi
saya têkoşîna Rêber Apo, PKK û YJA Star tevayî dîroka jinê hate guhertin. Jinê
berê ji jinbûna xwe şerm dikir û mafê axaftinê nebû. Lê di encama têkoşîna
Rêber Apo de jina Kurd tevahî dîrok û feresata jinê da guhertin. Di roja me ya
îro de jî bi fikir û îradeya jina azad civak hatiye tacîdar kirin. Li seranserî
cîhanê bi hezaran jînên şoreşger, têkoşer û enternasyonalîst jî ji jina Kurd bandor
bûn û cihê xwe li gel jina Kurd girt û têkoşîna xwe heya asta herî jor
bilindkirin û tacîdar kirine.
Bi hatina
mizgîniya Biharê re jî jinê têkoşîna xwe
li dijî dagirkerî û faşîzmê gihandiye lutkeya azadî û serkeftinê. Ev têkoşîna
jina Kurd wisa kiriye ku tevahî cîhan jê bandor bibe. Mizgîniya Newroza îsal
hêvî û berxwedana gel gihand asta herî jor. Li gel çalakiyên şervanên Azadiyê
gel jî li kolanan li dijî tecrîda li ser Rêbertî û gelê Kurd li qadanin û di
nava berxwedanê de ne û yê ku pêşengtiya van çalakiyan dikin jina Kurd a
têkoşere.
Gulistan
Tunç Pusat
0 Yorumlar