XWERÊVEBERIYA GEL BI YEKÎTIYÊ GENGAZE

Erdheja ku di 6’ê Sibatê de li Kurdistan, Suriye  û Tirkiyê pêkhatî, rûyî pergala heyî ya qirker bi awayekî şênber nîşanî gelên ku li cîhê erdhejê dijîn û hemû cîhanê da. Ev ne cara yekemîne ku pergala qapîtalîst bi rûyê xwe yê esasî ve derdikeve ber çavê mirovahiyê. Berî vê erdhejê pêvajoya nexweşiya korona jî vê pergalê bi rastiya wê ve raxist ber çavan. Dîsa li ser esasê cih û warên ku tenê kare hatine avakirin û bûne cihê jiyane, tê dîtin ku çawa li ber lehiyan diçin û dibin sedema komkujiyan. Wekî van bûyeran bi sedan tişt hene ji ber ku li gorî  rêgezên xweza û civakê nehatine pêkanîn li şûna ku bikeve xizmeta mirovahîyê, bi serê mirovahiyê de wekî bela hatiye. Helbet ev bela bixwe jî ji bo ku sîstema kapîtalîst xwe li ser bi kok bike û bimeşîne ji xwe re dizivirîne amûrên bê hempa.

Di erdheja li Bakurê Kurdistan û Tirkiyê de her çiqas li gorî hejmarên fermî yê dewletê hejmarek pir mezin a nêzî 50 hezar kesî bê parvekirin jî, hejmara rastî ji vê jî gelek zêdetire. Desthilata AKP ya ku berpirsê vê komkujiya bi serê gelan de hatî li şûna hesap bide, dixwaze hesap bipirse. Ev tiştek awarte nîne. Ji ber desthilatdarî û zordestiyê ji kurahiya dîrokê heta niha bi tepisandinê xwe meşrû kiriye, bi tirsandina beranberî xwe, xwe daye meşandin.

Tifaqa AKP-MHP ya faşîst ku îro li ser desthilatê ye ji roja destpêka erdhejê heta niha di nav hesabên, erdhejê kirina xizmeta dirêjkirina desthilatdariya xwe de ye. Ji ber wê jî di her axaftina xwe de Erdogan û Baxçelî di tehdît, şantaj û heqaretan  de sînoran nasnakin. Di encama van axaftina de jî mirov li kolanan ji alî hêzên ewlekariya dewletê ve bi êşkenceyê tên qetilkirin. Herçiqas vê erdhejê piropagandaya yekperest-faşîst ya desthilatê vala derxistibe û mozaîkê gel û baweriyan li beranberî  zextên desthilatdariyê di alîkariya erdhejê de bi rêk û pêk tevgeriyabe jî, ji bo valaderxistina vêya wê ji aliyê desthilatdariyê ve hertişt bê kirin.

Di encama erdhejê de hejmarek evqas mezin mirov di bin xirbeyên xaniyan de jiyana xwe ji dest dan, birîndar bûn. Lê sedema van widahiyan ne erdheje, sedema wî pêwistiyek mirovan a esasî ya bicihbûyînê li ser esasê rant û kare pêşkeşkirine.  Esasê ku rant-kar bikeve dewrê, wijdan û exlaq li holê namîne. Qanûn jî li gorî bedelan diguherin û vediguherin. Wekî encam jî  rewşa Hatay, Maraş, Dîlok, Semsûr û çend bajarên din ê erdhejê derdikeve.

Desthilatdariya AKP-MHP li gorî şert û mercên berî erdhejê zelalî xuya dikir ku ewê hilweşe. Erdhejê di rewşa heyî de ji holê rabûna vê desthilatdariyê hîn zelaltir kir. Lê belê li Rojhilata Navîn yek mînaka wî tûneye ku dîkdatorek bi rê û rêbazên qanûnî ji holê rabûbe. Di van şert û mercan de bi hilbijartinê desthilatdariya heyî birûxe û dawî li dîkdatoriya Erdogan were, ewê li Rojhilata Navîn rûdanek nû çêbibe! Di encama desthilatdariya dîkdatorî de çiqas êş hatibin kişandin, bedel hatibin dayîn û hêrs û kîna gel ya mezin çêbûyîbe jî bendewariya tenê bi hilbijartinê re ji vê desthilatdariya faşîst xilasbûyînê re xeyalekî xave. Ewê vê erdhejê jî ji xwe re bikin amûr û di ser cenazeyên hezaran mirovan de ji derveyî exlaqê mirivahiyê bixwazin xwe ji nûde bikin desthilatê welat. Ji bo wî jî ewê serî li her rê û rêbazên rezîl-ketî, faşîst-qirker û tûndirew bidin.

Vê dîkdatoriyê ji bo xwe rake ser piyan ji siyasetek desthilat, ezê-ezê,  qapîtalîst û li ser esasê civakek nefikire avabike tirs û xofek derveyî exlaqê mirovahiyê meşandiye û xwe avakiriye. Ev dîkdatorî çiqas mezin bûye û bûye pergal, civak jî ewqas valabûye û biçûk bûye. Bedela dewlemendbûyîna vê zûmreya ku derketî jî wekî di erdhejê de şênber diyare gelê hejar ne tenê bi malê xwe bi canê xwe jî dide. Ji bo dawî li vê yekê were divê  rêbazên ku vê pergala qirker bikar aniye vala werin derxistin. Rêya wî jî di destpêkê de tirsa ku avakirine bişkênin û bi xwe rêxistinkirinek xwecihî ya ne navendî re rabin ser piyan. Ji pergala demookratîk, ekolojîk û azadîxwaziya jinê ku Rêber Apo ji bo jiyanek mirovî li beranberî pergala qapîtalîst a koledar avakirî sûd bigrin. Bi avakirina civaka polîtîk-exlaqî re xwe bighînin xwe. Wekî di rewşa erdhejê de jî derket bendewarî tûcarî me rizgar nake, hêza me ji rizgarî û azadiya me bigire têra hemû mirovahiyê jî dike….

 Azad Amed