Destdirêjî
sucê herî zêde tê dîtine, lê ji ber ku ji aliyê hêz û kesên desthilat ve têne
pêkanîn ligorî zagon û serdozger bê hesap têne hêlan û berovajî ev bi awayekî
veşartî yan jî eşkere têne parastin. Ger em van kiryaran li Kurdistanê bixwazin
rabixin berçav, mirov dikare di çend beşan de pênase bike. Mînak destdirêjiya li
ser welat, xak, jin, ciwan, lawir û nebatan e. Li Kurdistanê heyînên ku me li
jor dayîn diyarkirin roj nîne ku li rastî tecawizê neyên. Ger em di çarçoveya
xak de bigirin dest, xakekî ku ji bo dest dirêjiyê vekirî hatibe hêlan, li cihê
parastinê berovajî hatibe pêşkêşkirin ev rewş mirov dikare ji bo mirovên ku li ser
wê xakê jiyan dike ji di nava heman kategoriyê de bigire dest. Mînaka berbiçav
li Bakûrê Kurdistanê tecawiz û komkujiya li ser xwezayê, cardin dibin navê heskirin,
evînî û zewaca bi derew a ji aliyê polîs, mît û memûrên dewletê ve destdirêjî li
beden, hest û heta li ser jin yan jî civakê tê kirin ev nimûneyekî şênbere. Em dibînin
li Bakûr û Rojavayê Kurdistanê (Efrîn, Serêkaniyê û Girêsipî) rojane revandin û
li xwe mehirkirina keçên ciwan tê pêkanin. Lê ji demekî û şûnde li cihekî bê xwedî,
bi awayekî qetilkirî rasthatina cenazeyê jinan çêdibe. Ev jî dide xuyakirin ku li
ser civaka Kurd bi xetên zirav yên xapînok çawa tên leyîstin, heman rewş li Başûrê
Kurdistanê jî tê dîtin. Ji ber ku xak û mirovên li Başûr dijîn
bi giştî ji bo berjewendiyên dijmin, kesî û malbatî weke milkekê tê dîtin.
Ji bo vê jî devjê bernade berovajî xwedî lê derketin ji bo hêsankirina êrişên heyî,
pêşengî jêrekirine. Parastina kesên ku van bê exlaqî yan jî hovîtiyan dike di
asta lotkeyê de ye. Nimûneya herî dawî ya ku li Başûr di salvegera fermana 73’an ya li ser gelê Êzidî bi awayekî dirindane
li ser bedena zarokekî keç a 6 Salî hatî pêkanîn û xwedî lêderneketin bi her
awayî weke 2014’an ku çawa Şengal û gelê Êzidî ji DAIŞ re hatin pêşkêşkirin, ji
aliyê PDK’ê ve heman wêneyî radixe ber çavan. Di aliyê din de bi armanca ji holê
rakirin yan jî zanabûna ku civakekî bi çand û namûsê ve girêdanbûyîna xwe
çawaye, divê demê dawî de li Başûr bi alîkariya PDK’ê kiryarên tacîz û tecawizê
ya li ser jin bi taybet ji bo bê îrade kirina jinên Êzidî pir li pêşe. Li Başûr
zilamên dewletê bi alîkariya PDK’ê çi dixwaze dike, li beramberî vê jî ji bêdengiya
heyî firsendê dibîne û her ku diçe xwe hîn bêhtir bicih dike û baregehan dide
avakirin. Li gorî îdeayên malbatê ku ji aliyê zilamê 50’î salî ve destdirêjî li
ser bedena Axîna 6 Salî hatî kirin nimûneya vêye ku Hikumet, sazî û dezgehên
heyî çawa welat bê xwedî hêlane û tenê ji bo xwe bi kartînin çi bi kê were ne di
xema wan de ye radixe ber çavan. Civaka Êzidî ya ku terkî mirinê hatî kirin ji bo
her fermana ku li ser wan pêktê bêyî parastin
hêlan, bixwe pêşkêşkirina gelek yan jî olekî ji kûrahiya dîrokê tê ye. Weke jin
em dîsa îdea dikin ku ji tecrûbeyên berê yên ku hatin jiyîn vêya piştrast dikin
ku weke li herçar parçeyan bi navê qetilbike, qirbike û bikûje wê werın parastin û divê bûyerê de jî wê bi hêcetên
cuda bi awayekî sivik were mehkum kirin, li herçar parçeyên Kurdistanê yê ku di
her bûyer û êrişan de rastî her cure kiryarên dirindane û bi êş tên bêyî dudilî
jin in. Ev kiryar giştî jî ji ber ku yê bi karibe welat, xak û heyîna xwe li ser
lingan bigire jine, êriş herî zêde li ser jin tê kirin. jixwe li herêma Kurdistan
ango Başûrê Kurdistanê rojek nîne ku jinek yan jî keçek rastî tacawizê neyê. Ev yek jî bi xwe re di bin
navê bênamûsiyê de ew jin yan neçarî xwekujiyê tê kirin yan jî tê kuştin. Li beramberî
hemû cure êrişên ku têne kirin çiqasî êriş û lîstok hebin jî ger yekîtî û asta
zanista jin ya ku ji xwezaya wê tê bikar bîne, wê bi karibe hemû zehmetî, dek û
dolabên li ser welat, xak, çand û destkeftiyên di encama têkoşîn û berxwedanekî
bê hempa de hatî bi destxistin bi parêze. Weke jin li kîjan parzemînê dibe bila bibe, êşa me hemûyan yeke
û armanca ku hêzên desthilatdar nêzî jin dibe jî heman tişte. Ji bo vê jî divê dibin
xeta sêyemin a ku alternatîf û rênîşana hemû pirsgirêkane ji xwe re esas bigre,
bi fikra azad sîstema global kapîtal were hilweşandin û tecawiz û destdirêjiyên
li ser jinê bi vê fikrê encax dikare ji holê were rakirin.
Çîçek
Cengîz
0 Yorumlar