Dewketa
Tirk a ku hikûmeta AKP’ê rêvedibe, li ser fikrê ku xapîner a “ di hindir de
aşitî ji derve jî aşîtî” xwest li Rojhilata Navîn sulteya xwe bide
berdewamkirin û hişmendiya xwe ya nîjatperest berfireh bike. Têkoşîna azadiyê
ya gelê Kurd di bin pêşengiya Tevgera Azadiyê de, rûyê dewleta Tirk ê qirêj
derxist holê.
Dema
ku dewleta faşîst nekarî Tevgera Azadiya Gelê Kurd têk bibe, dest bi planên
qirêj ên ku bikare dewletên dagirkerên Kurdistanê yên din, bandor bike û bi
piştgiriya ku ji hêzên desthilatdar yên Cihanî digre, xwe ferzkirina li ser
dewletên herêmê hewil da Tevgera Azadiya Gelê Kurd têk bibe û bi temamî gelê
Kurd bi qirkirinan re derbas bike. Ji bo tasfiyekirina Tevgera Azadiyê, dewleta
Tirk tevahî rêyên qirêj ceribandine. Gotin di cih de be, xwe avêtin ber lingê
her kesê ku bikare Tevgera Azadiya Gelê Kurd têk bibe. Ji salên 1980’an heta roja me ya îro, hertim
dewleta Tirk bi hêzên veşartî û gemar ve, bi ser têkoşîna gelê Kurd de hatiye.
Di salên 90’î de hêzên weke JÎTEM û Kontra Gerîla bikaranîn. Bi komploya
navdewletî xwestin bi dilgirtina Rêber Apo Tevgera Azadiyê têk bibin.
Berxwedana Rêber Apo sîstema dewleta Tirk a nîjatperest têk bir.
Niha
dewleta Tirk bi rêya çêkerên tarî, ne îdarî û ne siyasî yên wek komên çete û
MÎT’ê hewil dide hinek tiştan bi dest
bixe. Dema mirov îro temaşeyî sîstema dewleta Tirk a ku ji hemû nirxên mirovî û gerdûnî dûr dike, mirov dibîne
ku dewleta Tirk ewqasî qanunên navnetewî yên siyasî, huquqî û mirovî dûr
ketiye. Ji ber sîstema desthilatdar a hegemon, hemû derfet dan dewleta Tirk ji
bo ku bikaribe Tevgera Azadiya gelê Kurd têk bibe, lê dewleta Tirk a ku hemû
piştgiriya hêzên hegemon girtî, nekarî têkoşîn û serkeftina gerîlayên azadiya
Kurdistanê asteng bike. Ji ber vê binketina dewleta Tirk a bi destê Tevgera
Azadiyê, mirov dikare bêje dewleta Tirk di aliyekê de bê çare maye û dîsan bi
rê û rêbazên cuda cuda xwe avetin ber lingê her kesê.
Dema
mirov hatina berpirsê MİT’ê Hakan Fîdan a Iraqê bi nirxine, bi awayek eşkere
mirov dibîne ku sîstema dewleta Tirk hilweşiyaye û bi hêzên çete û îstixbaratî,
hewil dide xwe li ser piyan bigire. Bêguman, hatina berpirsê MİT’ê ya li Iraqê,
mijara sereke Tevgera Azadiya gelê Kurd e. Ji bo ku dewleta Tirk bikare
şikestina xwe ya li Zap, Metîna û Avaşînê vegerîne û dewleta Iraqê jî bide kêleka
xwe, planên xwe yên qirêj ên li ser Başûr, Şengal, Mexmûr û Rojava pêktîne.
Dewleta Tirk nekarî bi destê DAIŞ’ê fermana Şengalê pêkbîne, bi hemû alikariya
PDK’ê nekarî li hember gerîla serkeftinê bidestbixe, bi hemû êrîş, planên qirêj
û şerê taybet nekarî vîna gelê wargehê bişkîne, vîna gel teslîm bigire û
wargehê belav bike. Niha dewleta Tirk hewil dide bi rêya MÎT’ê piştgiriya hêzên
desthilatdar û bi destê dewleta Iraqê van planên xwe yên qirêj û qirker, li ser
gelê Kurd û tevgera Azadiya Kurd pêkbîne. Ji ber vê yekê hatina berpirsê MÎT’ê
ya li Iraq û Herêma Kurdistanê di aliyêkê de xeteriyê mezin dike, lê di aliyê
din de jî şikestin û têkçûna sîstema faşîst a dewleta Tirk û hikûmeta AKP-MHP
dide diyarkirin.
0 Yorumlar