Çalakiya nobetê ya li Wargeha Mexmûrê ku ji bo azadiya fîzîkî ya Rêber Apo hatiye destpêkirin, di roja xwe ya 553’an de bi biryardariyek mezin didome.
Çalakiya nobetê ya li Wargeha Penaberan a Şehîd Rûtem Cûdî (Mexmûr) ku ji bo azadiya fîzîkî ya Rêberê Gelê Kurd Abdullah Ocalan ji 20’ê Tîrmeha 2023’an ve hatiye destpêkirin, di roja xwe ya 553’an de û bi koma 109’an berdewam dike.
Merasîma dewirgirtina çalakiyê li navenda Tevgera Ciwanên Mexmûr (TCM), bi deqeyek rêzgirtin destpê kir. Piştî rêzgirtinê li ser navê koma 108’an Ehmed Apaydin axivî û di serî de tecrîd bi tundî şermezar kir û got: “Ev zêdeyî 4 salanin wek tê xwestin, bi Rêber Apo re hevdîtin nayên kirin. Em vê yekî şermezar dikin. Rêber Apo ji mafê xwe yên rewa û mafê hêviyê bêpar tê hiştin. Daxwaza me û daxwaza tevahî cîhanê ewe ku Rêber Apo bi fîzîkî azad bibe.
Her roj dijmin bi hovane êrişî Kurdan dike. Bi çekên kîmyewî êrişî çiyayên Kurdistan dike, bi balafirên keşfê xelkê li Bendava Tişrînê ku di çalakiyan de ne bombebaran dikin. Şaredariyên me desteser dikin. Dibêjin em aştiyê çêbikin, bi şer û êrişan aştî çênabe. Hevala Asya û Rojger peyamên zelal dan dagirkeran. Divê baş fam bikin. Civaka Apoyî bi dek û dolaban nayê xapandin. Em dubare berxwedana Rêber Apo, gerîla û gelên berxwedên silav dikin. Wê serkeftin bibe ya me.”
Merasima dewrgirtinê bi dirûşmeyên ‘Bijî Serok Apo’ û ‘Bê Serok Apo Jiyan nabe’ bidawî bû.
.JPG)
0 Yorumlar