Çalakvanên çalakiya nobetê ya Mexmûrê, têkildarî tecrîda girankirî ya li ser Rêber Apo û êrişên pir alî yên li ser gelê Kurd û Kurdistanê tên meşandin axivîn û diyarkirin ku ev êriş ne tenê li ser Rêber Apo û Kurdistanê ye, li ser tevahî civaka Kurde.
Xurbet Tallî
Çalakiya Nobetê ya ku ji bo mîsogerkirina azadiya fîzîkî ya Rêberê Gelê Kurd Abdullah Ocalan li Wargeha Penaberan a Şehîd Rûstem Cûdî (Mexmûr) ku di 20’ê Tîrmeha 2023’an de hatibû destpêkirin, bê westan û rawestan bi biryardariyek xurt didome.
Têkildarî tecrîda li ser Rêber Apo û êrişên li ser Kurdistanê, çalakvanên çalakiya nobetê ya Wargeha Mexmûrê ji ajansa me Rojnews’ê re axivîn û bang li her kesê kirin ku xwedî li Rêber Apo derbikevin.
‘Ka mafê mirovan?’
Dayê Xanê Hilalî ku ji destpêka çalakiya nobetê heta niha, bênavber û bêwestan di nava çalakiyê de cihê xwe digire, destpêkê silavên xwe ji Rêber Apo, tevahî girtiyên zindanan û gerîlayên azadiyê re pêşkêş kir û got: “Eger ku dewleta Tirk behsa aştî, demokrasî û biratiyê dike, pêwîste pêk bîne. Heta ku em Serokê xwe bi fîzîkî di nava xwe de nebînin, emê ji heft salî heta heftê salî di nava çalakiyan de bin û hîn berfirehtir bikin. Heta ku çareserî çênebe, em dest ji vê dozê bernadin. Dewletên cîhanê dibêjin em mafê mirovan diparêzin, ka mafê mirovan? Ev çend salin Rêbertî di zindanê de ye, çima mafê wî nedane û ne parastine? Banga min ji bo gelê Kurd yê dilxwaz û di edaletê de bi israr, ewe ku hemû destê xwe bidin hev da ku em bikaribin Serokê xwe bi fîzîkî di nava xwe de bibînin.”
‘Rast nêzî Rêbertî nabin’
Her wiha çalakvanê bi navê Ehmed Ebuzeyd Nêrwehî jî diyar kir ku ew ji bo azadiya fîzîkî ya Rêber Apo di çalakiya nobetê de ne û wiha peyîvî: “Wek ciwanekî Kurd, hîvî û daxwazên me ewe ku em Rêber Apo bi awayek fîzîkî li Kurdistanê di nava xwe de bibînin. Di van demên dawî de hevdîtinên ku çêdibin, ne hevdîtnekî ji bo azadiya fîzîkî ya Rêber Apo û çareseriya pirsgirêka Kurde. Ji ber ku dewleta Tirk di kanalên xwe de zimanê şer û dagirkeriyê bikar tine, ji ber wê jî ti eleqeya xwe bi azadiya fîzîkî ya Rêber Apo û aştiya di nava gelan de nîne. Rêber Apo ne rêberê gelê Kurd tenê ye, rêberê mirovahiyê ye. Rêber Apo ev 50 salin jiyana xwe ji bo gelê Kurd fedakiriye, tiştek ji bo kesayeta xwe ne xwestiye, her tişt ji bo gelê Kurd, ziman û çanda wî xwstiye. Ev hevdîtinên ku bi Rêbertî re tên kirin ne li gorî Rêbertiye yanî dewlet rast nêzî Rêbertî nabin. Ji ber ku rojekê jî êrişên xwe kêm nekirine, rojek tenê jî nîne ku ciwanên Kurd nexistine di zindanan de û çiyayên Kurdistanê bombebaran nekirine. Dewleta Tirk dirûtiyê dike, tiştekî ji bo mirovahiyê nake. Li gorî Erdogan tenê ew Kurdê xwefiroş, Kurdê raste. Kurdê ku li fikir û ramanê Rêbertî, li çand û zimanê xwe xwedî derdikeve wekî Kurd nahesibîne. Ji ber wê dewleta Tirk fikir û ramanên Rêbertî naxwazin, rast nêzî Rêbertî û çaresrekirina pirsgirêka Kurd nabe.”
‘Çalakiyan zêde bikin’
Ehmed herî dawî ev tişt gotin: “Ev êriş ne tenê li ser Rêber Apo û Kurdistanê ye, li ser tevahî civaka Kurde. Divê gelê Kurd û dostên xwe roj bi roj çalakiyan zêde bikin. Her kesê ku dibêje ez welatparêzim, pêwîste li Rêber Apo xwedî derbikeve. Dewletên Yekîtiya Ewropa rast nêzî mijara Kurd nabin, eger rast nêzîk bibin divê di Rojhilata Navîn de fikirê Rêber Apo esas bigirin û li ser dewleta Tirkiye biçin biryaran. Divê baş bêzanîn ku hêza ciwanan û şoreşgerên Apoyî ne wek berê ye. Ji bo vê jî divê ne tenê gelê Kurd, rewşenbîr û akademîsyenên cîhanê jî li Rêber Apo xwedî derbikevin.”
.JPG)
0 Yorumlar