Desteya Hilbijartinê ya Mexmûrê: “Me ji 10’ê Adarê ve dest bi serlêdanên hevserok û encumenên Şaredariyê kirine. Wê heta 25’ê Adarê serlêdan bên qebûlkirin û ji niha ve rêjeyek zêde ya serlêdanan çêbûye û piranî jî ciwanin. Wê di 12’ê Nîsanê de jî bi germahiya cejnê, hilbijartin bên kirin.”
Armanc Herekol
Şaredariya
Wargeha Penaberan a Şehîd Rustem Cûdî (Mexmûr) li gor pergala Netewa Demokratîk
xebat dide meşandin. Li gor pergala hevserokatiyê birêve diçe û her dû salan
carekî bi hilbijartina gelê wargehê encumen û hevserokên şaredariyê tên
hilbijartin. Di hilbijartinan de 2 Hevserok û 7 encumen tên hilbijartin. Kotaya
jin û zilam di encumentiyê de heye, ev carnan 4 zilam û 3 jî jin, an jî 4 jin û
3 zilam, hevsengiyek derdikeve pêş. Ne wek ya dewletê hemû dibin zilam!
Hilbijartin
bi rêya Desteya Hilbijartinê ya ku di Kongreya Meclîsa Gel a Mexmûrê de tên
hilbijartin ve tê birêvebirin. Li gor agahdariya ku Desteya Hilbijartinê di
nava wargehê de belav kirî, ji 10’ê Adarê ve serlêdanên encumentî û
hevserokatiyê hatine destpêkirin û wê serlêdan heta 25’ê Adarê bên qebûlkirin.
Têkildarî
agahiyên herî zelal, Endamê Desteya Hilbijartinê Mamoste Cemîl Kara ji rojnama
me re axivî û di vê mijarê de agahiyên girîng bi me re parvekir.
‘Heta 25’ê Adarê serlêdan tên qebûlkirin’
Mamoste
Cemîl di serî de anî ziman ku ew wek endamên Desteya Hilbijartinê ji aliyê
endamên Kongreya Meclîsa gel ve hatine hilbijartin û wê bê alî hilbijartinan bi
rêve bibin û got: “Her dû salan carekî li wargehê hilbijartinek ya Şaredariyê
çêdibe. Pargala rêvebirina Şaredariya me, ji ya desthilatdaran cudatire. Ji ber
ku em li gor pergala KCK’ê jiyan dikin û di pergala me de hevserokatî heye. Me
ji 10’ê Adarê ve serlêdanên hevserokatî û encumentiyê dane destpêkirin û me
gotibû wê heta 20’ê Adarê berdewam bike. Lê ji ber ku cejna Newrozê heye û wê
gel biçe pîrozbahiyan, me wek deste roj zêdekirin û wê heta 25’ê Adarê serlêdan
berdewambin.”
‘Ciwan
serlêdan dikin’
Kara di
nava axaftinên xwe de destnîşankir ku ji roja 10’ê Adarê heta niha serlêdan
çêdibin û rêjeyek zêde serlêdan çêbûne û wiha behs kir: “Rêjeyek zêde ya
serlêdanan çêbûne. Ev rêje jî piranî ciwan û jinên ciwanin. Rastî jî xwedayîna
ciwanan ya ji bo kar cihê şanaziyê ye. Ji bo hevserokatiyê jî hem jin û hem jî
zilam hene. Wextê me heye, wê hîn zêdetir serlêdan çêbibin. Ev diyar e.”
Hilbijartin
di 12’yê Nîsanê de ye
Mamoste
Cemîl bal kişand li ser kêfxweşî û hewaya hilbijartinê û da zanîn ku xebatên
wan bi kêfxweşî û bi kelecan berdewam dikin û wiha dirêjî da axaftinên xwe: “Ji
serlêdanan diyar dibe ku gelê me yê wargehê girîngiyek mezin didin
hilbijartinan. Rûxmê ewqas bê derfetiyan jî gel ji xizmeta heyî raziye û bi
şaredariya xwe re dibin alîkar. Li gel me ti ferqa endamên paqijî û
hevserokatiyê nînin. Herdû jî xizmeta gel dikin. Bi awayek kolektîf xebat tê
meşandin. 2 Hevserok û 7 encumen wê bên hilbijartin. Her kesê ku hatî serlêdan
kirî, me bi wan re axiviye û me gotiye wan, propaganda niha nekin. Ji ber ku
heta serlêdan xilas nebin û em civînek ji wan re çênekin, propaganda kirin
qedexeye. Ji bo wê em hêvîdarin wisa bê destgirtin. Me gotiye emê bi germahiya
cejnê re di 12’yê Nîsanê de hilbijartinan pêkbînin.”
Ji
Mexmûr piştgirî dan DEM Pariyê
Herî dawî
Endamê Desteya Hilbijartinê ya Mexmûrê Mamoste Cemîl Kara silav, hezkirin û
piştgiriya gelê Mexmûrê ji DEM Partî re şand û wiha axafitnên xwe bi dawî anîn:
“Em serkeftinê ji DEM Partî re dixwazin, ew jî dikevin hilbijartinekî. Gelê
Mexmûrê heta dawî li gel partiya xwe ye. Em bang dikin, bila tevahî gelên me
biçin ser sindoqan û bersivek dîrokî bidin komploger û qeyûman. Her wiha
ciwanên Mexmûrê jî bi malperên dijîtal dikarin piştgirî bidin partiya me.
Serkeftin ya gelê Kurd e.”
0 Yorumlar