MANÎFESTO ÇIYE?

 

Bersivên Gel:

-Rê nîşandan e.

-Perspektîfa bêdawî ye.

-Nexşe rê ye.

-Heval Zilan, Erdal û Rojhat e.

-Rê diyarkirin e.

-Rê û rêbazên jiyanê ye.

-Rêzebernameya têkoşînê ye.

-Fikirên têkoşînê ye.

-Rêzikname ye.

-Felsefeya jiyanê ye.

-Komkirina fikirên rêxistinî ye.

-Rêbaza jiyana raste.

-Hunera jiyanê.

-Mebdeya exlaq ya bi rêxistin kirine.

-Ferman e.

-Ruhê demê ye.

-Xeta ku mirov berbi heqîqetê ve dibe.

-Xeta sore.

-Rêya têkoşînê ye.

-Rêya heqîqetê ye.

-Sindoqa fikir e.

Peyva Manîfesto bingihê xwe ji latînî digire, gotina manîfestoyê cara destpêkê ji hêla fîlozofên Yewnaniyê kevnar ve hatiye bikaranîn, tê wateya rêgez û rêziknameyan. Ji bo avakirina sazî yan ji rêxistinekî nû amadekirina hindek rêgez û pîvanan ku ev çi di aliyê çandî an jî siyasî de be tê destgirtin. Mînak, dema sazî yan jî rêxistinek nû tê damezirandin ji bo ku xebat li ser pîvanên rêxistin û saziya heyî bê meşandin hindek xal tên destnîşan kirin û li gorî wan xalan tevger kirina kes û civakê çêdibe. Dema manîfesto tê amadekirin, pêwîste girseya ku ji bo wî tê amadekirin diyar be û li gorî wê were dest girtin. Di heman demê de divê li gorî têgihiştina girseya manîfesto bi zimanek sade û zelal were rave kirin. Di manîfestoyê de pêwîste girîngî bi fikirê azad were dayîn. Kesê ku amadekariya manîfestoyê dike divê gelek lêkolînên berfireh di derbarê jiyana civakê yan jî karê were kirin de kiribe û li ser bingehê ku lêkolîn hatî kirin encam were vehunandin. Her sazî û rêxistinek dikare bibe xwedî manîfestoyek, lê piranî manîfesto wek nexşe rêya rêxistinên şoreşger tê dest girtin. Hîn zêdetir rêxistinên şoreşger beriya dest bi têkoşînê bikin li ser bingiha civaka xwe îdeolojiyek avadikin û li gorî wê îdeolojiyê manîfestoyek yan jî nexşe rêya wê şoreşê tê diyer kirin. Manîfesto dikare di  çend xalan de jî were desgirtin dikare bibe mijara pirtûkan jî. Ev yek li ser kêrhatin û şirovekirina kes û rêxistina ku manîfestoyê amade dike dimîne. Pîranî manîfestoyên ku di jiyana civakê de guhertin dayî çêkirin ji aliyê şoreşger û fîlozofan ve hatine amade kirin. Armanca bingehîn ya amadekirina manîfestoyê ewe ku guhertinên mezin di civakê de were pêşxistin e. Gelek kesayet û filozofên ku xwestin di jiyana civakê de guhertina bidin çêkirin, xwestine bi manîfestoyekê fikrê xwe bînin ziman. Yekemîn manîfesto di sala 1848’an de ji aliyê Karl Marx û Friedrich Engels bi navê Manîfestoya Komînizmê hatiye amade kirin. Ji wê rojê heta niha gelek kes û şoreşgerên ku xwestine di civak û jiyana heyî de guhertinên demê bidin çêkirin, serî li amadekirina manîfestoyê dane. Mînek: Rêber Apo ji bo ku jiyana li Kurdistan û Rojhilata Navîn bide guhertin manifestoya şoreşa PKK’ê nivîsand û pêşkêşî gel kir. Her wiha dema ku şoreşa PKK’ê hatî destpê kirin, Rêber Apo ji bo ku şoreşa heyî were fêmkirin û belav kirin, pareznameya xwe ya yekem a bi navê ‘Manîfestoya Civaka Demokratîk’ çap kir. Di vê parêznameyê de rastiya civaka Kurd û hemû civakên Rojhilata Navîn bi hûrgiliyên xwe ve rave kiriye. Manîfesto ne tenê baweriya kes xurt dike, di heman demê de bi kes re dibe alîkar ku di aliyê siyaset û armancên xwe de bibe xwedî fikirên nû. Manîfesto armancên kes ên takekesî bi tevizîne nîqaş dike û ji bo ku kes xwe bigihînin azadiyê fersendê dide destê kesan.