Botan navê
erdnîgariya Kurdistanê ya serhildêr û berxwedêr e. Taybetmendiya gelê Botanî ya
serhildêr hiştiye ku ti cara li beranberê desthiledaran serî netewîne û hemû
dema di nav têkoşînekê de be. Dema dijminê xwînxwar êrişê wan dikir, wê demê berê
xwe didan çiyayan û di kûrahiya çiyayan de dest bi jiyana xwe dikirin. Di nava
vê jiyanê de her zarokek Botanê dibe xwedî taybetmendiyek serhildêr û berxwedêr. Yek ji van jî rêheval Hazim e.
Rêheval Hazim
Tallî, di nav malbatek welatparêz ku di dema koma îdeolojî de rêxistinê
naskiriye û bi welatparêziya xwe tên naskirinê di sala 1992 de li gundê Mijînê çavên
xwe li cîhanê vedike. Malbat navê mamê wî yên şehîd li wî dike. Navê wî jî dixin Hazim.
Malbata heval
Hazim ji ber welatpariziya xwe dibe hedefa dijmin. Dijmin êrişê gund û malbata
wî dikir û çetetiyê li ser ferdên malbatê ferz dikir. Li beranberî van kiryarên
dijmin malbat bi têkoşîna xwe ya Kurdînî bersiv dida û bi girêdanbûna rûmeta
xwe ve serî neditewand û neçar dimîne ku bikeve ser rêya penaberiyê. Rêheval Hazim
hê di du saliya xwe de bibû rêwiyek li ser rêya penaberiyê. Ev rê pêşeroja wî
jî diyar kiribû. Rêyek dûr û dirêj rêyek bi heqîqetê hatibû neqişandin li pêşiya
rêheval Hazim bû. Her ku mezin bibûya wê ev rê şênbertir bibûya. Di vê rêya
penaberiyê de êrişên dijmin ne bes bû, êrişên PDK jî lê zêde bibû. Rêheval
Hazim di hemêza dayîka xwe de li ber lorîkên bi êş, di pir qadan re derbas dibû.
Lê ti qad ji bo wan nedibû war, heta ku hatin Maxmûrê. Çola zûha, bê av, çola
ku tenê warê mar û dipûşkan bû. Ji bo rûmeta xwe ketibûn ser şopa heqîqetê ji
ber wê jî ev warê çol û çolistan ji bo xwe kirin warê jiyan û berxwedaniya xwe.
Rêheval
Hazim li Mexmûrê di nav pergala xwe de dest bi dibistanê dike. Bi zimanê dayîka
xwe û bêyî ku dîrok were berovajî kirin, heta amedeyî dixwîne. Ev yek wiya
kêfxweş dike. Her çendî di dersên xwe de serkeftî jî be ji bo neçe Hewlêrê dest
ji dibistanê diberde.
Rêheval
Hazim di hembêza dayîka xwe ya xweza de xwe azatir hîs dike û li beranberê her
lawirekî bi rehim nêzîk dibe û ti carê zirar nedida lawiran. Hazim wek çiyayên Botanê
asî, bi ceserat û bi îrade bû. Di her karan de bi biryardarî û bi îradeya xwe tevger
dikir û dibû xwdî ezmûn. Di nava heval û malbata xwe de weke kesê herî wêrek,
zîrek û kesek bi rêk û pêk dihat naskirin. Bi rastî jî wêrek bû, temenê wî
biçûk bû lê dilê wî qayîm bû û dizanibû çawa jiyan bike. Li beranberê her
mirovekî ango di jiyana xwe de xwdî pîvan bû, pîvanê wî yê jiyanê diyarker bû û
ti carî neheqiyê ne ji bo xwe ne jî ji bo ti kesî qebûl ne dikir. Bi fedekariya
xwe ve bibû mînakek li nav jiyana heval û cinarê xwe de.
Heval
Hazim di nav karê ciwan û mîlîsan de cîh digrit. Heval Hazim li beranberê DAÎŞ’ê
dikeve nava koma xwebexiş û li Kerkûk û Şengalê li beranberî DAÎŞ’ê bi wêrekî şer
dike û li Şengalê bîrîndar dibe. Rêheval Hazim di her kîliya jiyana xwe de xwe
parçayek yê vê têkoşînê didît û bi berpirsiyariya xwe radibû. Di sala 2014’an
de beştarî nav refên gerîla dibe û 2016’ê de berê xwe dide Şirnex ê di YPS de
li beranberê dijmin şerek bê hempa dide meşandin. Dijminê hov bi tank û topên
xwe êrişî wan dike û her çar hêlên wan dorpeç dike. Heval Hazim bi hevalek xwe re
ji bo koma hevalên xwe rizgarbikin bi fedayî li beranberî dijmin şer dike û 2016
de digihije karwanên nemiran.
Heval Hazim bi van gotinan evîna xwe ya ji bo walatê xwe tîne ziman. ‘Ez weke ciwanek
yê Botanê, bangawaziya min ji bo hemû ciawanên her çar parçeyên Kurdîstanê heye
ku li ku dibin bila bibin ji bo em axa xwe ji çeteyan rizgar bikin divê her kes
tevlî berxwdanê bibe.’
0 Yorumlar