ROJEV PIRS DIKE: Serhildan çiye?

- Bersivên Gel:

- Têkoşîn e.

- Serî rakirin e.

- Mafê her mirovî ye.

- Ji bo netew têkoşîn kirin e.

- Berxwedan e.

- Zilm qebul nekirin e.

- Parastin e.

- PKK ye.

- Xweserî ye.

- Bingehê jiyana azad e.

- Parastina xwezayê ye.

- Parastina rewa ye.

- Xwedî li xwe derketin e.

- Rûmeta herî esas a mirovan e.

- Mafekî rewa ye.

- Ji bo ziman şerkirin e.

Serhildan, bi pênaseya herî sade serî rakirin e.

Serhildan peyveke ya destpêka berxwedan û têkoşîna li dijî zilm, zordarî û kedxwariyê ye. Li nava hemû civakên li ser rûyê erdê peyveke xwedî wate û di oxira wê de ku bigihêje serketinê berdêlên mezin daye. Gava ewil a berxwedana ji bin nîrê zilmê derketine.

Li vir serhildan heye û serhildêr hene. Serhildan helwest û tevger e. Serhildêr jî kesên di nava wê serhildanê de cih digirin û ji bo serketina serhildanê têkoşîn, xebat û kedê didin. Serhildan bê serhildêr û serhildêr jî bê serhildan nabe.

Serhildan helwest, tevger û hêrseke ku li dijî otorîterî û desthilata heyî ya maf û civakê diçewisîne derdikeve holê ye. Di vê helwest û tevgerê de çalakiyên cihê û rêbazên cuda tên bikaranîn. Ev serhildan bi rengê çek û dîsa bi rengê rêbazên cuda li ber wê desthilat û otorîteryê derdikeve holê û heta mafê xwe bi dest dixe.

Taybet ev peyv di nava civaka me Kurdan de xwedî wateyeke din hê girîngtire. Ji ber ku em civakekin hê di bin zilm, zordarî, mêtingerî-dagirkerî û koledariya dagirkeriyê de ne. Ji bo wê bi hezaran xort û keçên vî welatî navê ‘SERHILDAN’ rakirine û li ber zilm û zordariyê li ber xwe dane.

Ji dîrokê heta niha bi dehan serhildanên Kurdan ên mîna Serhildana Koçgirî, Agirî, Simkoyê Şikakî, Şêx Ubeydilahê Nehrî û gelek serhildanên din ên di dîroka gelê Kurd de li dijî dagirkerî û zilmê serî rakirin, hemû jî bi xiyanetê hatin hilweşandin û serkutkirin.

Heta niha serhildanên Kurdan ên li herêm û deverên teng lê mayî, ji ber ne rêxistinkirineke xurt a netewî û dîsa ji dest dijmin ê nokeriyê xwe li ber dagirkeriyê negirtiye û bi xiyanetê ji hundir ve hatin hilweşandin û wêrankirin.

Ji bo me Kurdan jî serhildana herî bi rêxistinkirî û piştî bi salan qedera ku hatî xêzkirin a ‘Kurdê herî baş Kurdê mirî ye’ bi tevgera Apogeriyê re ew qeyîd û bend-zincîrên koletî-koledariyê hatin qetandin. Kefenê li bejna Kurdan hatî danîn hatin çirandin û gorên bi saxî Kurd lê hatîn danîn hatin hilweşandin. Careke din Kurd ji gor û qebrê hate rakirin.

Ev serîrakirin, serîrakirineke li ber zilm, zordarî û mêtingeriya bi sedê salan li ser Kurdan hatî ferzkirin bû. Ji bo wê yekê, hemû xalên zeîf û lewaz ên bûne sedemê hilweşandina serhildanên Kurdan li ber çav girt û perwerde û rêxistinkirin esas girt. Yek ji sedemê herî esasî yên hilweşandina serhildanên Kurdan bê perwerdehî û rêxistinkirin bû. Ji bo vê Pêşengê Tevgera Azadiya Kurdistanê Serok Apo gava yekem perwerde û rêxistinkirin esas girt û li ser vî bingehî di 50’emîn sala têkoşînê de bi hemû awayî têkoşîneke bê eman a ji bo azadiyê dide.

Di roja îro de bi pêşengtiya Tevgera Azadiya Kurdistanê li her çar parçeyên Kurdistanê bi lehengiya ewladên vî gelî li ber çekên kîmyewî, gazên jehrî, çekên taktîk nukler û hemû hovîtiyê têkoşîneke bê eman dike.

Serhildana ji bo azadiyê destpê kir, îro ji hemû demê bêhtir xurt e, bi hêz e.

Ev serhildan wê encama hemû serhildan û tola hemû pêşeng û serhildanên bi xiyanetê hatîn hilweşandin û têkbirin hilde. Wê heman demê hesabê ji hemû xayîn û nokerên ku rê li ber hilweşandina serhildanan vekirî rake.

Ev serhildan wê hesret û hêviya hemû serhildanên Kurdan a azadî û serfiraziyê bi encam bike.