Rêveberiya Xweser a Bakur û Rojhilatê Suriyê êrişa dewleta Tirk a li ser navenda fêrkirinê ya keçan a li gundê Şimokê ya li Hesekê ku di bin çavdêriya NY’ê de ye şermezarkir û ragihand: “Di encama êrişê de 4 zarokên keç şehîdbûn û 11 keç jî birîndarbûn. Ev êriş û yên berî wê li dijî herêm, gund û zarokên me hatîn kirin wê bê hesab derbas nebin.”
Rêveberiya Xweser a Bakur û Rojhilatê Sûriyê bi daxuyaniyekê êrişên dewleta Tirk a dagirker ên li ser navenda fêrkirinê ya zarokên keçan a li gundê Şimoke yê Hesekê ku Neteweyên Yekbûyî sponseriya wê dike, şermezar kir.
Di daxuyaniyê de ev hate gotin:
“Piştî hevdîtina dawî ya ku Erdogan bi aliyên navneteweyî û herêmî re li dar xist, êrişên dagirkeriya Tirk ên li dijî herêmên me zêde bûn. Di encama van êrişan de gelek sivîl, zarok û fermandarên li kêleka Koalîsyona Navneteweyî li dijî rêxistina DAIŞ şer kirîn şehîd bûn. Îro jî di çarçoveya şerê xwe yê qirkirinê de li dijî gel û herêmên me êrişên nû pêk tîne. Mînaka wê jî duh bi şev dewleta Tirk a faşîst bi balafirên bêmirov rêya Til Temir-Hesekê nexasim navenda Fêrkirinê ya taybet a keçan ya li gundê Şimoke ku tenê 2 km dûrî baregeha Koalîsyona Navneteweyî ye ku Neteweyên Yekbûyî sponseriya wê dike, kir armanc. Di encamê de 4 zarok şehîd bûn û 11 zarokên keçin birîndar bûn. Ev êrişa hovane hemû pîvan û qanûnan bin pê dike û sûcên şer e. Di heman demê de şerê qirkirinê yê li dijî gelê me pêk tê ye û rûyê din ê DAIŞ e.
Ji wê diyar dibe ku Erdogan behsa operasyona leşkerî kir, dihat wateya ku ew ê terorîzma xwe li ser her kesî ferz bike bêyî ku bersiv hebe.
Ev êriş xeteriyê li ser zarokan û li ser navendên fêrkirin û sivîlan çêdike û nîşaneya encamên giran dike, dê bi wê re zêdetir li Sûriyê tevlihevî derkeve û rewşeke nû derxe ku bandorê li Sûriyê û gelê wê bike.
Hincetên dewleta Tirk ên derew ji bo rewakirina êriş û dagirkirina herêmên me ye. Ji lew re xetereyên vê êrişê rojane zêde dibin. Ev jî teqez dike ku Sûriye di bin xetere û gefa dewleta Tirk de ye û divê hemû sûrî vê yekê bizanin û dersan ji siyasetên dewleta Tirk derxin.”
0 Yorumlar