Li Çiyayê Qereçox a Mexmûrê dijî DAIŞ’ê operasyon

Li Çiyayê Qereçox a navçeya Mexmûrê dijî çeteyên DAIŞ’ê operasyonek leşkerî hate destpê kirin.

Liv û tevgera çeteyên DAIŞ ya li Iraq û Herêma Kurdistanê dewam dike, bi taybet çeteyên DAIŞ’ê rojane li çiyayê Qereçox ya ser bi navçeya Mexmûr ya ser bi Musilê tên dîtin. Gelek caran êriş kirin, welatiyan revandin û qetilkirin.

Gorî agahiyan danê siharê di saet 04:00’an de bi pêşengiya Hevpeyamana Navnetewî, bi tevlîbûna hêzên Dijî Terorê ya Iraqê, Artêşa Iraq û Pêşmergeyan, dijî DAIŞ’ê li çiyayê Qereçox operasyonek hate destpê kirin.

Armanca operasyonê bi temamî Qereçox ji çeteyan paqijkirine, di operasyonê balafirên bê mirov û şer jî têne bikaranîn.

Operasyona dijî çeteyan di van kêliyan de dewam dike.