Di nava hemû civak û netewan de yê ku bikare guherîn û veguherînê bike, bi erka pêşengtiyê rabe ciwan e. Ev tişteke neguher û mutlaq e.
Ji bo wê
di hemû pêşketinên heyî de teqez divê ciwan hebin û pêşeng bin. Taybet di
mijara azadî û serfiraziyê de, ciwan cih negire ne mimkûne ku pêşketinên baş û
encamgir hebe.
Ji bo wê
ye ku Rêber Apo di gava yekem a têkoşînê de ev risteya zêrîn a demê ‘Me ciwanî
destpê kir, em ê bi ciwanî ser bixin’ got. Ev bû destpêkek. Ciwan divê vê erkê
bigire ser milê xwe. Ciwan hem hêz e, hem dînamîke û hem jî di warê guherînê de
xwedî potansiyeleke ya demê ye. Taybet ji bo me Kurdan ciwan xwedî pênaseyeke
ya serketinê ye.
Ciwan weke
motora civakê hatiye pênasekirin û dîsa di warê civakbûnê de jî xwedî mîsyoneke
ya veneguher e. Îro li nava hemû artêş û pêşketinên cîhanê de mejiyên ciwan û
dîsa rola ciwanan a serxistinê heye. Ji astronamiyê bigire heta çandinî û
mezaxtinê bigire hêza herî zêde bandorker ciwane.
Ji bo
civakek weke me Kurdan ku tim êrîş û zilm li ser heye. Dagirkerî û mêtingerî li
ser heye. Hêza ciwanan divê di warê avakirin û têkoşînê de zêdetir be. Têkoşîna
me ya Tevgera Azadiya Kurd bi komek ciwanan destpê kir, îro bi hezaran li her
derê cîhanê bi ciwanî li ber dagirkerî û zilmê têkoşîn dike.
Mînaka wê
ya herî heybet jî li Kurdistanê tê kirin. Ciwanên pêşeng ên kadroyên PKK’ê ji Mazlûm
Dogan bigire heta Çaran û ji wan bigire heta Berxwedana Rojiya Mirinê ya Kemîl
Pîr, Mehmet Hayrî Dûrmûş, Akîf Yilmaz û Alî Çîçek li dijî zilm û zordariya faşîzma
demê ya Kenan Evren û Esat Oktay li ber xwe dan. Serî dan sir nedan, serî
netewand, teslîm nebûn. Mîrateyeke wiha ya xurt ji ciwanên Kurd re hişt.
Niha jî li
çiyayên Kurdistanê ciwanên Kurd bi heman ruhî li ber her cûre teknîk û çekên
kîmyewî li tunelên şer li ber xwe didin. Eger ku ruheke wiha yê kadroyên pêşeng
ên PKK’ê ku dayî avakirin neba, wê îro ciwanên Kurd li wan tunelên şer saetekê
jî nedikarî li ber xwe bide. Ruhê wan bû mîrateya têkoşîn û berxwedaneke qehîm
a li ber faşîzim, mêtingerî û qirkirinê.
Ji bo wê
ye ku ciwanên Kurd xwedî ruheke wiha ya xurt a serketinê ye. Serî natewîne,
teslîm nabe. ji bo wê ye ku di vê pêvajoya pêşiya me ya şer û têkoşînê de divê
ji her demê zêdetir ciwan bi erk û mîsyona xwe rabe, tevlî bibe, şer bike.
Li çiyan,
li bajar û li her derê, têkoşîna ciwanên Kurd
bigihîne cîhanê. Bide nîşandan ku ciwanên vî gelî li dijî qirkirin-mêtingeriyê
xwedî sekneke ya fedayî ye. Ji bo azadiya gelê xwe, xwe feda dike.
Ji ber ku
ciwan vê neke, wê kesek din nikare vê bike. Serketin û encama tê xwestin wê pêk
neyê. Li aliyê din ev erk a ciwanan e. Taybet jinên ciwan xwedî ruhê Zîlan,
Arîn, Sara, Delalan û sedan şehîdên din ên fedayî li ser xeta Têkoşîna Azadiya
Jinê canê xwe feda kirin bimeşe.
Ji niha û
şûn ve şerê tê kirin, şerê ne serfirazî ye. Tevgera Azadiyê weke ‘Şerê man û
nemanê’ pênase kir. Ji bo wê ye divê ev şer teqez bibe şerê me yê serfiraziyê û
hebûnê. Em winda bikin, wê gelek tişt bên windakirin. Serkeftina di şer de
serkeftina li ser mase ye. Eger di şer de dewleta Tirk û faşîzim winda bike, teqez
li ser maseyê aştiyê jî wê winda bike. Ji bo wê ye ku dixwaze ji her alî ve êriş
bike û me tine bike.
Em jî wê
rê nedin wê û ji bo doza xwe û azadiya gelê xwe weke ciwan tişta bikeve ser
milê me bê dudilî û bê sekin heta serketinê bidomînin. Ciwan wê şer bikin û
ciwan wê ser bixin. Ciwan wê ala ji pêşengên xwe hildayî, di wareke azad û
serfiraz li ba bike.
Harûn Evîndar - ROJEV
0 Yorumlar