Mamosta Hisên Kara ku li Mexmûrê dijî, di refê de bi xwendevanên xwe yên seretayî re Cejna Vejînê ango 27’ê Mijdarê bi coşek mezin pîroz kir û ji xwendevanên xwe re qala girîngî û wateya 27’ê Mijdarê kir.
Armanc Herekol
Cejna Vejînê ango 27’ê Mijdarê ku roja salvegera damezrandina Partiya Karkerên Kurdistan (PKK) ye, îsal jî li her derê Kurdistan û derveyî welat bi coş û moralek mezin hate pîrozkirin û hîna jî pîrozbahî didomin.
Yek ji qada ku her sal reng bi reng pîrozbahî lê têne kirin, Wargeha Penaberan a Şehîd Rûstem Cûdî (Mexmûr). Xelkê Mexmûrê îsal jî bi meş, şahî û kareografiya ku bi ala PKK’ê hatî çêkirin, bala tevahî raya giştî û medyaya dijîtal kişand ser xwe.
Yek ji pîrozbahiya biçûk û wateya wê mezin, pîrozbahiya xwendevanên mamosta Hisên Kara û xwendevanên wî yên seretayî ne. Mamoste Hisên û xwendevanên wî li dibistanê refa xwe ji bo pîrozbahiyê xemilandin û coşa 27’ê Mijdarê di refa xwe de jiyan kirin.
Beriya şahiya biçûk û biwate destpê bike, mamosta Hisên Kara ji xwendevanên xwe re têkildarî wate û girîngiya 27’ê Mijdar û PKK’ê ji xwendevanên xwe re kir û wiha got: “Salvegera damezrandina PKK’ê ye. PKK di sala 1978’an de li Amed, gundê Fîsê hate damezrandin. Beriya ku PKK bê damezrandin, li ser me çewisandin û zordariyek mezin hebû. Dewleta Tirk nedihişt em bi zimanê xwe baxivin û bijîn. Kurdan bi Kurdî nedixwend. Her wiha dewleta Tirk rê ne dida cil û bergên Kurdan. Çanda Kurdan tune dihat hesibandin. 27’ê Mijdarê cejna me ye. Piştî PKK’ê pêşketin û destkeftiyên mezin çêbûn. Îro ger em dikarin bi zimanê xwe bixwînin û bijîn, ev bi saya PKK’ê ye. Ev keda Rêber Apo ye. Rêber Apo parastin nîşanî me da û Kurdan êdî karîn xwe biparêzin û perwerde bikin. Êdî bi saya PKK civaka Kurd nasnameya xwe diparêze. Ev jiyana azad û civaka azad, keda Rêber Apo û şehîdane. Em dubare Cejna Vejînê li we pîroz dikin.”
Piştî axaftina mamosta Hisên, li ser her mêzeyê xwendevanan find hatin pêxistin û xwendevanan bi stranan 27’ê Mijdarê pîroz kirin. Piştî wê fêkî hatin xwarin, bi coş û kelecanek mezin xwendevanan find temirandin û gihiştin dawiya şahiya xwe.
0 Yorumlar