Ji sala nû ya perwerdeyê re gelek nemaye û ji niha ve firoşgeh û malbatan dest bi kirîna pêdiviyên xwendevanan kirine. Malbat ji ber bihabûnê bi gazincin û firoşgeh jî dibêjin, sedema bihabûnê nebûna berhemên Iraq û Herêma Kurdistanê ye.
Armanc Herkol
Li Wargeha
Penaberan a Şehîd Rustem Cûdî (Mexmûr) 5 dibistanên Seretayî, dibistanek navîn
û dibistanek ya amedeyî heye û îsal jî dibistanek din hatiye çêkirin. Bi
giştî nêzî 3 hezar û 500 xwendevan bi zimanê dayîkê ango Kurdî dixwînin.
Ji perwerdeya
sala nû re gelek nemaye û firoşgehên Wargeha Mexmûrê dest bi anîna pêdiviyên
xwendevanan ên cil û berg, pênûs, sernivîs û her cûre kirtasiyeyan kirin e. Ji
ber nêzbûna vebûna dibistanê di nav malbat û xwendevanan de kelecanek çêbûye.
Têkildarî
vê yekî hem firoşkar û hem jî malbatanên xwendevanan ji rojnama me re peyivîn û
di sala nû de ji tevahî xwendevanan re serkeftin xwestin.
Girîngiya perwerdê bizanin!
Firoşkarê
cil û bergan ê bi navê Rizgar Bîlen ku ev bi salan e karê firotina cil û bergan
dike anî ziman ku wan ji bo sala nû ya perwerdeyê dest bi amadekariyên pêdiviyên
xwendevanan kirine û dibêje: “Em ji tevahî xwendevanên wargehê re serkeftinê
dixwazin. Bi zimanê xwe perwerde dîtin, şansek herî mezine ji bo me. Ji ber ku
ev bi sedan sale di her hêlê de êriş û bişaftin li ser zimanê me heye. Lê ev bi
qasî 30 sal in, em li wargehê bi zimanê xwe perwerdeyê dibînin. Pêwîste
xwendevanên me jî li gor vê zanabûnê tevbigerin û wisa dest bi perwerdeya sala
nû bikin. Wek firoşgeh me jî dest bi anîna cil û bergên dibistanê kiriye.”
‘Gel ji
bihabûnê gazincan dikin’
Bîlen di
nava axaftinên xwe de destnîşan dike ku li gor salên bûrî, îsal bihayê cil û
bergan girantir bûne û sedema wê jî wiha bi lêv dike: “Ne li Iraqê, ne jî li Herêma
Kurdistanê, berhem çêkirin nînin. Hemû tiştên xwe ji derve tînin. Ev cil û berg
ji Tirkiyê tên Iraqê, ev jî dibe sedem ku bi biha bigihijin destê me. Em
naxwazin tiştan giran bifiroşin, lê ji ber ku em bi xwe giran tînin, em neçarin
wisa jî bidin. Malbat ji ber bihabûnê gazincan dikin. Ew jî heqin, ji ber ku
niha li her derê qeyran heye û kesên ku xwendevanên wan hebin, mezaxtinên wan
jî zêde ne.”
Malbat divê bi zarokên xwe re bibin alîkar
Dayîka bi
navê Ezîma Demir ku 4 xwendevanên wê hene ji bo sala nû ya perwerdeyê anî ziman
ku divê malbat û mamosta hîn pitir li ser waneyên xwendevanan bisekinin û got:
“Sala nû ya perwerdeyê nêz dibe û em wek malbat, dest bi kirîna pêdiviyên wan
dikin. Ji bo kesên ku xwendevanên wan heyî, mezaxtinek zêde çêdibe. Ev jî wê
bandor li malbatan bikin. Wek malbat û mamosta pêwîste hîn zêdetir li ser
xwendevanan bisekinin. Sedema lewaziya zarokan yek jî bikaranîna zêde ya
telefon û tabletan e. Malbat divê girîngî bidin paqijiya xwendevanan û timî
paqij rêbikin dibistanê. Bi wê ve girêdayî, mamosta jî divê hîn zêdetir bi
xwendevanan re eleqeder bibin. Ya herî esas divê nebêjin zanko nînin û xwendin
vala ye, ev dibe sedem ku zarok ji xwendinê sar bibin.”
0 Yorumlar