ROJEV PIRS DIKE: TECRÎD ÇIYE?

Bersivên Gel;

- Komplo ye.

- Dijî mirovatiyê ye.

- Rêbazek bê exlaqî ye.

- Ji mirovbûna xwe dûrketin e.

- Sîstema êşkenceyê ye.

- Rêbazek ya tûnekirinê ye.

- Tenê hiştin e.

- Sextekariya dijmin e.

- Kapîtalîzme.

- Rêbazek a dijî civakê ye.

- Tarîtî ye.

- Tirsa dijmin e.

- Çavtirsandin e.

- Rastiya dijmin e. 

Di vê nîvîsê de emê cih bidin tecrîdê, gelo tecrîd çiye, aliyên erênî û nerênî yên tecrîdê ji bo mirovan çiye? Armanca pêkanîna tecrîdan çiye? Bi tecrîdê çi tê armanckirin? Gelo şêweyên tecrîdê yên tên zanîn çine? Bi berfirehî emê cih bidin vê mijarê û hewl bidin bi kinahî ji bo we xwendekarên hêja şîrove bikin;

Tecrîd bi gotinekî komkirî “Mirovekî ji cîhanê hatî qûtkirin û bi halê xwe hatî hêlan e.” Ji civak, mirov, xweza, hemû şêweyên jiyanê derxistin û qutkirin re tecrîd tê gotin. Di roja me ya îro de tecrîd ji bo sîstemên desthilatdar, dewlet netew, emperyalîzm û kapîtalîzm bûye yek ji rêbazên sezakirina herî berfireh û hesap xwestinê. Îro sîstem bi armanca parastina berjewendiyên xwe, bi armanca berdewamkirina zordarî, xwînmijî, sextekarî û desthilatdariya xwe, weke yek ji rêbazên çavtirsandin, ji civakê qutkirin, bi temamî têkiliya wî/ê ji cihanê qutkirinê re, weke çekek ya girîng pêktîne. Kesayetê bi tenê hêlan, di aliyê fizîkî, giyanî û derûnî de têxe û birînên di jiyana wî/ê de neyên pêçan vedike. 

Di mijara gelê me û gelên azadîxwaz de tecrîd heye, emê girîngiyê bidin wateya tecrîda li zindanan ango armanca tecrîda li ser zindanan. Bandoriyên tecrîdê li ser kesayeta mirovanan dike, herî zêde kesê li rastî tecrîdê tê, fêm dike û dizane. Ji ber ku nimûneyên ewqas balkêş di cîhanê de hatine jiyankirin, hinek kes ji ber ku demekî di tecrîdê de mane axaftin ji bîr kirine. Ji jiyanê û cîhanê qutbûne û nayê zanîn ka jiyan dikin an na. Tenê armancek ya tecrîdê heye ew jî parçekirina kesayet û wî ji cewherê wî dûrxistine.

Li girtîgehan tecrîd yek ji sezayên herî mezin ya êşkenceyê ye. Ji ber ku girtîgeh bixwe tecrîde. Li rexa wê, li odeyek girtî tenê mayîn, bi ti şêweyî peywendî bi derdorê re, heta ku bi hewaya vekirî re çênekirin, mafên çandî, civakî, mirovî bê par mayîn, di aliyê tendûristî û derûnî de zererên pêktên, êşkenceya herî bi bandor û giran e. Tecrîd li zindanan, êşkenceya di nava êşkenceyê de ye, tecrîda di nava tecrîdê de ye. Te herêmek teng û bi sînor heye. Bi tecrîdê re têkiliya girtî bi hevalên wî/ê yên girtî re qut dibe, tû ji nefesek xwezayî bê par dimînî, bi malbat, parêzeran re nikarî bi ti şêweyî hevdîtinê pêkbînî. Ji mafê tv, radro, rojname, pênûs, rojnivîs bê par dimînî. Çima me got tecrîd rêbaza êşkencê ya herî mezine, ji ber ku xalên me li jor rêz kirine, têrê dike mirov di halê xwe de, di aliyê tenduristî, derûnî, hizirînê de zorî kêşan, axaftin û gûman de bibe xwedî nexweşiyên bi bandor ango berdewam yên tedawiya wan ne gengaz. Ev yek dibe sedema ji rastiya xwe ji nasnameya xwe dûrketin ê. Armanc ji tecrîda li zindanan, di kesayet de îrade şikandin, bê bawer hiştin, ji nirxên wî durxistin, bi temamî xistina di bin berjewendî û kontrola xwe de.

Dema mirov li gorî wate û armanca tecrîdê, rewşa Rêberê mirovahiyê Rêber Apo bigire dest, mirov dikare nêzîkatî û pêkanînên ku ne di dîroka mirovahiyê de ne ji di serdema em têde jiyan dikin de bibînin. Rêber Apo demê xwe yê girtîgehê, bi temamî di tecrîdê de derbaz dike. Nimûneyên pêkanînên beramberê Rêber Apo, li ti girtîgehên dewletên cîhanê de tuneye. Sedemê vê yekê ewe ku raman û hizrên Rêber Apo, li beramberê berjewendiyên sîstemên cîhanê yên desthilatdar û xwînmij keleme û lewma tecrîda li Îmraliyê tecrîdek navnetewiye.

Ev tecrîd bernameyek ya Emperyalîzm û Kapîtalîzmê ye. Armanca vê tecrîdê li ber çavane. Kesayet tunekirin, ji nirxên wî dûrxistin, serûbinkirina raman û hizrên wî, bi temamî anîna rewşek bê bandor e. Ji ber ku dewlet û sîstemên dijminên mirovahiyê baş dizanin, nefes hildana Rêber Apo nefes hildana gelên azadîxwaze, di heman demê de nêrînên xwe parvekirin û gihandina ji der ve, têkbirin û ji holê rakirina berjewendiyên wan e. Lewma li dijî tecrîdê derketin, ji bo tecrîd şikandinê têkoşîn dayîna meşandin, tê wateya nefes standina gelan. Tecrîd şikandin tê wateya azadiya jinan, azadiya gelên bindest, azadiya mirovahiya pêşverû. Her roja diçe tecrîd li ser Rêber Apo û hemû dîlên azadiyê girantir dibe. Lewma tecrîd sûcek mirovahiyêye, bêdengiya beramberê tecrîdê hevkariya qirkirina gelan û pêşeroja mirovahiyê ye.