Endama Koordînasyona Meclîsa Îştar a Mexmûrê Xantur Kara: “Ger reşkujiya yekem a Parîsê bihata ronî kirin, reşkujiya duwem pêk nedihat. Ne tenê komkujiya 9’ê Çileya 2013’yan, di dîrokê de gelek komkuji bi serê gelê Kurd hatine, hemû jî weke faîlê wan nediyar hatine diyarkirin. Ango hertim bi hevkariya dewleta Tirk û hêzên navdewletî hatine ser nixumandin.”
Herî dawî dewleta Tirk a dagirker û faşîst bi cara duwemîn
li navenda Fransayê Parîsê li Navenda Çanda Kurd a Ahmet Kaya pêşeng, hunermend
û welatparêzan kir hedef û Endama Konseya Rêveber a KCK’ê Evîn Goyî (Emîne
Kara), Hunermend Mîr Perwer û çalakvanê siyasî Abdurehman Kizil hatin
qetilkirin.
Di derbarê komkujiyên ku di şexsê tevahî jinên azadîxwaz de
li ser jinên pêşeng ên Kurd hatîn kirin, Endama Koordînasyona Meclîsa Îştar a
Mexmûrê Xantur Kara ji Rojnews’ê re axivî.
‘Faîlê her komkujiyên ku serê gelê Kurd hatîn, diyarin lê tên veşartin’
Xantur Kara di destpêka axaftina xwe de tevahî şehîdên doza
azadiya Kurdistanê bi bîranî û wiha axivî: “Dema em li dîrokê dinêrîn, hertim
li ser gelê Kurd gelek komkujiyên cuda cuda yên hovane hatine meşandin.
Komkujiyên li Geliyê Zîlan, Dêrsim, Agirî, Helebçe, Roboskî, komkujiyên herî
dawî li Parîsê ku di nêzîkbûna salvegera yekem a komkujiya Parîsê de pêkhatî û
gelek komkujiyên din mirov dikare bi rêzê ve destnîşan bike. Lê heta roja me ya
îro jî, bi astek bilind meşandina têkoşîn û berxwedanê me hebûna xwe ya çand,
ziman, nasname û neteweyî kariye biparêzin û bidin berdewamkirin. Tecrîda
girankirî ya li ser Rêber Apo, di şexsê pêşengên gelê Kurd de bi van reşkujî û
komkujiyan berdewam e. Dijminê me li seranserê Kurdistanê û dervey welat, bi
taybet jina Kurd ango pêşengên azadiya jina Kurd dike hedef.”
‘Hem şerê sor hem jî şerê spî didin meşandin’
Xantur Kara di dewama axaftina xwe de da zanîn ku dijmin bi
xwe di ferqa hêza jina Kurd de ye û wiha got: “Di asta pêşengtiya jina Kurd û
gelê Kurd de erk û berpirsyartiyên ku jina Kurd îro pêktne, dijmin bi xwe di
ferqa vê yekê de ye. Ji bo ku nehêle Pergala Xweseriya Neteweya Demokratîk,
şênber bibe û jiyanî bibe, çi ji destê wê tê dike. Qirkirinek fîzîkî hem di
aliyê kuştin û dagirkirinê de hem jî di aliyê asîmîlasyonê de, şerekê sor û spî
li beramberî gel û netewa Kurd didin meşandin ku hîna bi rê û rêbazên cuda
berdam dikin. Dewleta Tirk dixwaze gelê Kurd di aliyê nasname, çand, huner û
her aliyê jiyanê de tune bike. Me dît dema li çiyayên Kurdistanê beramberî
gerîla bin ket serî li rê û rêbazên hovane yên weke bikaranîna çekên kîmyawî
da. Ev yek mînaka herî berbiçave ku dema dewleta Tirk binkeftinê jiyan dike
çawa bi awayekî hovane êrişî zarokên Kurd, jina Kurd, xwezaya Kurd û gelê kurd
dike.”
‘Dewleta Tirk ji jina rêxistinkirî ditirse’
Her wiha Kara qala giringiya azadîxwaziya jinê kir û wiha pê
de çû: “Bê guman hêmanek bingehîn ya Xweseriya Neteweya Demokratîk,
azadîxwaziya jinê ye. Em hem ji perspektîf û nirxandinên Rêbertî hem jî ji
tevgerên Rêbertî yên li beramberî jinê dizanin, çiqas giringî daye azadiya
jinê. Eger em îro wek jinên Kurd azadiya xwe mîsoger nekin, bê guman emê
nikarin civakekî azad jî bidin avakirin. Rêbertiya me di demek zû de ketiye
ferqa vê yekê û li beramberî vê yekê got sedsala 21. sedsala azadiya jinê ye.
Li ser vî bingehî weke jinên Kurd, li seranserê cîhanê di aliyê rêxistinî û
civakî de rol û mîsyona xwe ya esas dileyîzin. Ji ber wê yekê dewleta Tirk a
faşîst ji jina rêxistinkirî ditirse. Ji ber ku dizane dema jina rêxistinkirî
bikare xwe di nava civakê, malê û gel de rêxistin bike, wê ew civak û gel jî
bikare xwe rêxistin bike. Ji xwe dema ku civakek bikare li dijî dijmin û êrişên
fîzîkî û rewanî yên li ser tên meşandin xwe rêxistin bike, tu hêz nikare wê
civakê têk bibe.”
‘Faîlê her komkujiyek serê gelê Kurd hatî, diyarin lê tên
veşartin’
Xantur Kara balkişand li ser êrişên li ser pêşengên jin ên
Kurd û wiha berdewam kir: “Di demên dawî de bi taybetî êriş di şexsê civakê de
li ser pêşengên jin ên Kurd tên kirin. Li Silopiyayê 3 jinên bikarin civakê
birêvebibin hatin qetilkirin, li Kobanê 3 jin bi hevre hatin qetilkirin. Heman
şêweyî li Parîsê 3 jinên pêşeng hatin qetilkirin. Herî dawî jî heval Evîn li
gel hunermend Mîr Perwer û Abdurahman Kizil hatin qetilkirin. Jinên Kurd li
seranserê cîhanê yekitiyê belav dike. Beramberî vê, ji bo dijmin nehêle yekitî
û hevgirtina gelê Kurd pêkwere, yekane armanc û hedefa wan qirkirina jina Kurd
e. Dema ku jinên civakekê azad yan jî kole be, xwezayî ew civak bi xwe jî azad
yan jî kole ye. Ne tenê komkujiya 9’ê Çileya 2013’yan, di dîrokê de gelek
komkujiyên serê gelê Kurd hatîn, hemû jî weke faîlê wan nediyar hatine
diyarkirin. Ango hertim bi hevkariya dewleta Tirk û hêzên navdewletî hatine ser
nixumandin, sedema vê ya jî ewe ku dewleta Tirk û hêzên navdewletî hemû bi hev
du re hevkarin.”
‘Ger reşkujiya yekem a Parîsê bihata ronî kirin,
reşkujiya duwem pêk nedihat’
Xantur Kara her wiha giringî da têkiliya navbera her du
qetlîamên li Parîsê hatîn pêkanîn û wiha ragihand: “Reşkujiya ku di 9’ê Çileyê
de li beramberî heval Sara û hevalên wê hatîn pêkanîn, li beramberî jina Kurd û
gelê Kurd hat pêkanîn û nehat ronî kirin. Di asta navdewletî de piştgiriya
sixûran hat kirin û hate veşartin. Ger ew reşkujiya 9’ê Çileyê bihata ronî
kirin, wê reşkujiya 23’ê Kanûnê li heman cihî li dijî heval Evîn û hevalên wê
pêknehatiba. Ev kîn û hêrsa me ya li dijî dewleta Tirk a faşîst û komkujiyên ku
pêktîne, emê vegerînin hêza rêxistinbûyînê. Êdî em berbi kêliyên xwe yên
serkeftinê ve diçin ji bo wê divê em li gorî wê li erk û berpirsyartiyên xwe
xwedî derbikevin. Dem dema parastina destkeftiyên ku encama berxwedanî û
têkoşîna şehîdan û keda Rêber Apo de hatî bi destxistin e.”
‘Azadiya jinê di yekitiyê de veşartiye’
Xantur Kara di dawiya axaftina xwe de da zanîn ku divê em
demil dest di nava gelê Kurd û asta navneteweyî de yekitiya netewî avabikin û
di çarçoveya Şerê Gelê Şoreşgerî de xwe rêxistin bikin û wiha bi dawî kir:
“Divê wek jinên Kurd li gel jinên cîhanê li ser pergala Rêber Apo pêşwazî
tevahî gelan kirî, yekitiyek xurt avabikin. Enceq bi vê em dikarin azadiya jinê
û azadiya fîzîkî ya Rêber Apo mîsoger bikin.”
0 Yorumlar