Cenazeyê Evîn Goyî ber bi Şehîdgeha Qendîlê ve hate şandin

Cenazeyê Endama Konseya Rêveber a KCK'ê Emîne Kara (Evîn Goyî) li Silêmaniyeyê bi merasîmeke girseyî hate pêşwazîkirin.

Endama Konseya Rêveber a KCK’ê Emîne Kara (Evîn Goyî), ji Tevgera Çandê Mîr Perwer (Mehmet Şîrîn Aydin) û welatparêzê Kurd Abdûrrahman Kizil ên 23’yê Kanûna 2022'an de li paytexta Fransa Parîsê hatibûn qetilkirin.

Cenazeyê hersê şehîdan ber bi Kurdistanê ve hatin şandin.

Cenazeyê Evîn Goyî li bajarê Silêmaniye yê Başûrê Kurdistanê bi merasîmeke girseyî hate pêşwazîkirin.

Merasîm li Mizgefta Ehe Sor pêk hat û tevî şêniyên Wargeha Mexmûrê, hejmareke zêde ji Kurdistaniyên Bakur û Başûrê Kurdistanê tevlî merasîmê bûn.

Di merasîmê de dirûşmên "Şehîd namirin" û "Tolhildan" hatin qîrîn.

Cenazeyê Evîn Goyî ber bi herêma Qendîlê ve hate birêkirin ku wê li Şehîdgeha Qendîlê bê veşartin.

Li Ranya jî girseya gel li ser rê sekiniye û li benda pêşwazîkirina cenazeyê şehîd Evîn Goyî ye.