DIVÊ ŞANDEYEK SERBIXWE BIÇE ÎMRALIYÊ

Şêniyên Wargeha Penaberan a Mexmûrê dan diyarkirin ku ti ferqa CPT, saziya mafê mirovan û Erdogon nîne. Ji ber wê baweriya wan bi ti saziyên a mfê mirovan nayê. Pêwîste demildest şandeyek serbixwe biçe Îmraliyê û rewşa Rêberê Gelê Kurd Abdullah Ocalan ji nêzîk ve bê zanîn.

Xurbet Tallî

Têkildarî tecrîda girankirî ya li ser Rêberê gelê Kurd Abdullah Ocalan û bi awayekî lezgîn şadina şandeyekê ji bo Îmraliyê, şêniyên Wargeha Penaberan a Şehîd Rustem Cûdî ji rojnama me re axivîn û gotin ku divê demildest şandeyek bê alî biçin Îmraliyê.

‘Divê em hêviyê ji ti hêz û dewletan nekin’

Dilvîn Oremarî di destpêka axaftina xwe de balkişand li ser tecrîda girankirî ya li ser Rêberê Gelê Kurd Abdullah Ocalan ku zêdeyî bîst mehane ti agahî jê nayê girtin û wiha pêde çû: “Em vê tecrîda ku dewleta faşîst a Tirk li ser Rêber Apo dimeşîne şermezar dikin. Dewletên ku qaşo xwe weke demokrat û parêzvanên mafê mirovan didin nasikirin, girêdayî rewşa Rêbetiya me ti helwestek nîşan nadin û bêdengin. Ev erka wan ji bo gelê Kurd û Rêber Apo tenê li ser gotinêye ango bi erka xwe narabin. Ji bo ev tecrîd bê şkandin pêwîste em wek gelê Kurd bi taybet wekî jin têkoşîn û çalakiyên xwe hîn xurtir bikin. Divê em hêviyê ji ti hêz û dewletan nekin, em wek gelê Kurd û dostên xwe destê xwe bidin hev û li himberî vê tecrîdê rawestin û bêjin êdî bese.”

‘Yê ku Kurdan bike hêz rêxistina Kurd bixwe ye’

Dilvîn Oremarî herî dawî îşaret bi şandina şandeyek serbixwe kir û got: “ Saziyek bi navê CPT ku weke saziya pêşîlêgirtina li êşkence û bêmafiyê tê naskirin, lê me dît ku herî dawî dema digotin qaşo çûye Îmraliyê lê piştre derket holê ku neçûye, bi vê yekê xwest gelê Kurd bixapîne. Ji bo wê jî divê gelê Kurd ti carî pişta xwe nede ti dewlet û hêzan, yê ku Kurdan bike hêz rêxistina Kurd bixwe ye. Divê Kurdên li her devera Kurdistan û derveyî welat bibin xwedî yek helwest ku di demek zûtirîn de şandeyek serbixwe biçe Îmraliyê û rewşa Rêbertiya me bê zanîn.”

‘Dixwazin gelê Kurd fêrî bê Rêbertî û Tevgera Azadî bikin’

Zekî Gverî jî hêrsa xwe ya li himberî tecrîda girankirî ya li ser Rêberê gelê Kurd Abdullah Ocalan wiha anî ziman: “Wek gelê Kurd ev bîst mehin me ti agahî ji Serokatiya xwe negirtiye. Hinek saziyan bi navê parêzvanên mafê mirovan qaşo mafê mirovan diparêzin û nahêlin mirov bên êşekencekirin lê ev di rastiyê de ne wisaye, berevajî saziya desthilata wan sîstemên ku êşkenceyê dikin e. CPT ne saziya ku mafê mirovan diparêze yan jî pêşî li êşkenceyan digre, navê wê saziya êşkeceyê bi rêve dibe ye. Em bi ti awayî vê tecrîda li ser Rêbertiya xwe qebûl nakin, eger xwestekek wan ya ku me bê Rêbetî bihêle hebe, ev yek wê ji bo wan tenê xeyal be. Ji bo wan saziyên ku bi navê parastina mafê mirovan tê naskirin şermekî pir mezine ku bi vî awayî nêzîkî Rêbertiya gelekî dibin. Ji ber ku Rêber Apo ji bo gelê Kurd xeta sore bila cîhan vêya baş bizanibe. Neteweyên Yekbûyî qaşo mafên gelan diparêze lê berovajî mafê destilatan diparêze. Wek gelê Kurd wan kengê mafê me parastiye? Ew jî dixwazin bi dagirkeran re mafên me yên mayî jî binpêbikin. Dixwazin di kesayeta Rêbertî de gelê Kurd fêrî bê Rêbertî û Tevgera Azadî bikin. Tevgera Azadiyê zarokên me ne.”

‘Eger em tiştekê ji Rêbertiya xwe nezanin emê herderê bikin agir’

Zekî Geverî di dawiya axaftina xwe de ev tişt gotin: “Bila wisa ne hizirin ku gelê Kurd yê ku rêxistin û Serokatî naskirîn wê dest ji vê dozê berdin. Ev bêmafî û bê edaletiya ku di cîhanê de heyî, êdî nayê qebûlkrin. Divê her Kurdekî li kurderê dibe bila bibe bi hevre bibi yek wekî seferberiyê, ji bo ku em bikaribin Rêber Apo ji zindana Îmraliyê azad bikin. Her wiha em bang li tevahî gelê Kurd û dostên gelê Kurd dikin, bi taybet berpirsyarên xwe yên Kurd û dostên xwe dikin ku berxwedanî û tekoşîna xwe hîn xurtirbikin ku em bikaribin şandeyekî serbixwe bişînin Îmraliyê. Piştî vegera ji Îmraliyê jî pêwîste rewşa li wir ji gelê Kurd re ragihînin. Ji ber ku di çavê gelê Kurd de ferqa CPT, saziya mafê mirovan û Erdogon nîne. Ji ber wê jî êdî baweriya me bi ti saziyên amfê mirovan nayê. Eger em tiştekê ji Rêbertiya xwe nezanin emê herderê bikin agir. Bila ev cîhan û sîstema vê cîhanê baş bizanibin yan wê vê zilm û tecrîdê di kesayeta Rêbertî de li ser tevahî gelê Kurd bide rakirin yan jî emê agir berdin vê cîhanê bi sîstema wê ve bişewitînin.”