Şêniyên Wargeha Penaberan a Şehîd Rustem Cûdî (Mexmûr) bi boneya 44’emîn salvegera 27’ê Mijdarê damezirandina Partiya Karkerên Kurdistanê PKK’ê çûn ser gorên şehîdan.
Li Wargeha Penaberan a Şehîd
Rustem Cûdî (Mexmûr) çalakiyên bi boneya 44’emîn salvegera 27’ê Mijdarê
damezirandina Partiya Karkerên Kurdistanê PKK’ê berdewam dikin. Di vê
çarçoveyê de, şêniyên Wargeha Penaberan a Şehîd Rustem Cûdî (Mexmûr) bi awayek
girseyî li ber avahiya Saziya Malbatên Şehîdan kombûn û bi meşekê berê xwe dan
goristana wargehê. Di meşê de posterên Rêberê Gelê Kurd Abdulah Ocalan, alên PKK,
KJK û YJA-Star hatin bilindkirin. Her wiha di meşê de dirûşmên “Bijî Serok
Apo”, “Bijî Partiya Karkerên Kurdistan” û “Jin Jiyan Azadî” hatin
berzkirin. Piştî ku gehiştin goristanê beriya ku axaftin were kirin ji bo
tevahî şehîdên Tevgera Azadiya Kurdistanê deqeyek rêz hat girtin. Piştî
rêzgirtinê Hevseroka Saziya Malbatên Şehîdan Sultan Yildiztan axivî.
Sultan Yildiztan di destpêka
axaftina xwe de tevahî şehîdên şoreşa Kurdistanê bi bîranî û got: “ Me di
nava 44’an de ji bo nasname û mafê gelê Kurd gelek bedelên giran dan. Îro li
her çar parçeyên Kurdistanê weke 12’yê Îlonê dewleta faşîst serokê DAIŞ’ê
Erdoganê faşîst û Hulusî Akar ê ku li ser xwîna mirovan, li ser xwîna zarokên
Kurd û Tirkiyê jiyan dike, dibêjin em nahêlin statuyek ya Kurdan çêbibe. Em jî
dibêjin heta ku dilopek xwîn di canê me de hebe, me sozek daye Rêbertî û
şehîdên xwe emê li ser vê xetê bimeşin heta ku em ala Kurdistanê li serê
çiyayên Kurdistanê, li nava gund û bajarên Kurdistanê bilind nekin. Ji bo wê
divê me hêviyên xwe xort bikin, ew çiqasî bi ser me de were jî emê bê tirs vê
berxwedanê bibine serî.”
Piştî axaftina Hevseroka Saziya
Malbatên Şehîdan Sultan Yildiztan bi dirûşmên, “Bijî Berxwedana Îmralî”, “Bijî
Serok Apo” û “Cejna Vejînê li Rêber pîroz be” bi dawî bû.
Wê îro li Wargeha Penaberan a
Şehîd Rustem Cûdî (Mexmûr) pîrozbahiya Cejna Vejînê di saet 13.00’an de bi
bernameyek dewlimend destpê bike.
.JPG)
0 Yorumlar