Jin dema
tê gotin çi tê bîra mirovan? Dayîka ku zarokê xwe mezin dike û li ser çanda
kurdiyetî mezin dike û welatparêzî di serî de dide fêr kirin. Jin, ew a ku
bi welatê xwe ve girêdaye jin divê despêkê ji axa xwe hez bike cuda tiştek din
nefikire. Bi malbatê ve neyê girêdan divê him welatê xwe û piştre malbata xwe
ve were girêdan. Dema jin welatê xwe li hemberî destwerdanê parast wê demê erka
xwe li hemberî malbata xwe pêk tîne, jin dema dibîne welatê wê tê dagirkirin û
çavê xwe digire ew ne cewherê jinê ye, divê ne tenê xwe bifikire û çavê xwe
negire. Dema jinên din teslîmiyet qebûl nekirin divê ew jî qebûl neke mînaka
herî berbiçav Geliyê Zîlan, jin ji bo nekevin dest Tirkan bê ku tirsek an jî
dudilî jiyan bikin xwe ji zinaran avêtin. Dayîkên ku zarokên xwe bi çi êş û
zehmetiyan mezin dikirin, zarokên xwe bi destê xwe ji zinaran avêtin. Ji ber ku
rastiya dijminê xwe dizanî bûn, nexwestin zarokê wan bi saxî bikevin destê
dijmin û bi hovîtiyek dijwar werin kuştin an jî ew zarok nebe sîxorê dewletê û
zerer nede welatê xwe û gelê xwe yan jî em Kela Dimdim bînin ziman ewin jinên
qehreman.
Jin ji ber
çi hertim li pêş e? Ji ber ku jin pergala civakê ava kiriye û civaka xwe birêve
dibe. Dema em dibêjin pergal ne şiklê ku zilam daye runişkandin e. Pîvanê ku
civak xwe li ser linga dide sekinandin ya herî sereke exlaqê civakê ye. Jin,
wan tiştan bi civak û zarokên xwe dide fêrkirin û li ser çanda dayîkê didin
mezin kirin. Pergala civakê ya wekhev bê ku xwe desthilatdar bide nîşan kirin
aşitî ji xwe re esas girtin. Dixwaze ku hertim civak bi keyfxweşî jiyan bike û
zarok di civakek bê şer de mezin bibe. Pêşengtiya ku jin dike bandorek mezin di
nav civakê de ava dike. Gel radike ser linga û serhildana çêdike, hêza
bandorkirina jin pir cuda ye. Dikare civakê li derdorê xwe kom bike, hêz bide û
ava bike ji ber wê jî hertim jin di dîrokê de bûne pêşeng û bi rista pêşengtî
civak dane meşandin.
Jin,
kîjan welatî, li kûderê jiyan bike, çiqas ji hevdû dûr ketibin jî êşa hevdû hîs
dikin. Ji bo hevdû rakin pir hewldan dikin û hevdû fêhm dikin. Hevaltiyan
hertim di nav germahiyek de dimeşîne. Ti caran îxanetê bi hevdû nakin, hîn zêde
hevdû rast didin meşandin. Çi astengî derkeve pêşiya wan wek xelekêkî hevdû ve
tên girêdan û pir zehmete ku ew xelek were qetandin. Ji ber ku jin bi jinê re
mezin dibe, hêz digre û digihije serkeftinê. Ev bîr û bawerî dihêle ku hertim bi
hevdû re bimeşin û pêl astengiya bikin û derbas bibin. Dilpakbûna jin dihêle ku
dema çavê hevdû binihêrin hevdû fêhm bikin, qurnaztî û komployên ku tên
meşandin zû fêhm bikin û li gor wê tevbigerin û ti cara bi hevdû re wî awayî
nêz nabin. Cewherê jinê hertim paqije û dagirtiye. Cewherekî bingehîn heye. Çi
bibe jî nikare cewhera xwe bîr bike û her rojek dîsa dizivire cewhera xwe. Lê zilamê
serdest hertim hewldanê taybetmendiyê zilamê serdest û şaman dixwaze li ser
jinê ferz bike. Teybetmendiyên serdest taybet dixwaze li ser jinê ferz bike ku
civak ji binî ve hilweşe, dizane ku kengî jin binbikeve civak ji holê rabibe û
civakek serdest ava bibe. Dema zilam dest dayîne li ser jinê civak û jin dikeve
bin venêrîna dewletê de. Jixwe yê ku dewlet derxistiye zilam e. Ji bo rista
jinê ji holê rabe, zilam dewlet ava kir. Bi vî awayî giştî netew li hemberî
hevdû dan şer kirin, civak ji exlaq û pîvanên mirovatiyê dûrxistiye. Dema mirov
bi giştî şoreşên ku di cîhanê de çêbûyîn binêhêre, rista jinê di her şoreşê de
diyare û jin di van şoreşan de rista pêşengtiyê leyîstiye. Lê mixabin ti carî
mafê xwe bi dest nexistiye û hertim rista wê hatiye tine kirin û nehatiye
dîtin. Piştî derketina Tevgera Azadî û Rêber Apo çarx ji bo jinê ziviriye.
Rêber Apo her tim xwestiye ku jin li gor cewhera xwe tevbigere, xwe ji hişmendiya
zilam dûr bixe û mafê jinê li jinê bizivire. Rêber Apo hertim gotiye bila jin xwe
birexistin bikin ji ber wê jî jinek rexistinî be ti kes nikare bin bixe, ti kes
nikare jinê cewhera wê dûr bixe û ji holê rabike.
0 Yorumlar