Endamên Navenda Çand û Hunerê ya Mexmûrê, Weysî Îzer û Mizgîn Tumak balkişandin li ser şêwazên parastina çand û hunera Kurdewarî ya di wargehê de û gotin: “Govend rêbaza herî dewlemend ya parastina çanda Kurdewarî ye. Ji bo ev çand zindî bimîne em zarokan di warê govendê de perwerde dikin.”
ROJ YILDIZTAN
Di bin sêwana
Çand û Hunerê ya Mexmûrê de komên zarokan di warê govendê de tên perwerde kirin.
Ev kom di rojên şahiyan de diçin ser dîkê û hunera xwe pêşkêş dikin. Têkildarî
perwerdekirina zarokan ya di aliyê govendê de Endamên Navenda Çand û Hunerê ya Mexmûrê,
Weysî Îzer û Mizgin Tumak ji rojnama me re axivîn û gotin: “Armanca me ya ji vê
perwerdê parastina çanda resen ya Kurdewarî û dûrxistina zarokan ya jî şerê
taybet yê li ser wargehê tê pêkanîn e.”
‘Gelê
Kurd çand û hunera xwe di gelek aliyan de bi girtina govendê parastiye’
Weysî Îzer
di destpêka axaftina xwe de diyar kir ku ew ji perwerdekirina zarokan hes dike
û dixwaze zarokan fêrî govandê bike û wiha got:“Ez ji perwerdekirina zarokan
hes dikim û bi taybet dixwazim wan di aliyên govedê de perweredebikim. Ji ber
ku gelê Kurd çand û hunera xwe di gelek aliyan de bi girtina govendê parastiye.
Em niha 19 xwendevanên keç û xort perwerdedikin. Armanca me ya ji vê perwerdê
parastina çanda resen ya Kurdewarî û dûrxistina zarokan ya ji şerê taybet yê li
ser wargehê tê pêkanîn e. Xwestek, kelecan û helwesta zarokan ya ji bo perwerdê
gelek başe, ev yek jî asta perwerdê di aliyê erênî de bandor dike.”
Îzer di berdewamiya
axaftina xwe de bang li zarok û ciwanên wargehê kir ku berê xwe bidin Navenda
Çand û Hunerê û wiha gotinên xwe bi dawî kir.: “Deriyê me ji her kesê re
vekiriye, yên ku bi xwazin di xebatên çandî de cih bigrin dikarin serlêdana
Navanda Çand û Hunerê bikin. Ji bo parastin û pêşxistina çanda heyî, pêwîste em
di aliyên Şano, Govend, Stran û Sînamayê de çand û hunerê xurt bikin.”
‘Min
dixwast bibim mamostayê govendê û niha jî wê armanca xwe bi cih tînim’
Mizgîn
Tumak jî têkildarî perwerdeya ku tê dayîn axivî û diyar kir ku ev demek dirêje ew
bi perwerdekirina zarokan ya di aliyên çand û hunerê de mijûl dibe û wiha got:
“Ez bi kêfxweşî û kelcanek mezin vî karî dikim. Ji ber ku ez hem ji zarokan hes
dikim û hem jî ji girtina govendê hes dikim. Ez mîna van zarokên ku niha li ber
destê me perwerdedibînin, di temenek biçûk de fêrî govendê bûm. Lê armanca min
ne tenê girtina govendê bû, min dixwast bibim mamostayê govendê û niha jî wê
armanca xwe bi cih tînim, ji bo wê jî gelek şanazim. Navê vê komê Koma Şehîd
Serhed e, wê di 27’ê Mijdarê û şahiyên pêşiya me de derkevin ser dikê. Em
govendên Herêma Botanê û Herêma Colemêrgê fêrî xwendevanên xwe dikin. Zarokên
ku heskirina wan ji govendê re heyî beşdarî vê komê bûne, zû fêr dibin ji bo wê
jî em di aliyê fêrkirinê de zoriyê jiyan nakin.”
Mizgîn Tumak
di dawiya axaftina xwe de destnîşan kir ku ji bo zarokan di aliyê çand û hunerê
de pêşbixin xwedî armancin û wiha got: “Ji bo ku zarok bi kevin di ferqa
parastina çanda xwe de, her wiha ji bo em wan ji şerê ku li ser wargehê tê
meşandin dûr bigrin, wan perwerde dikin. Ez bang li zarokên wargehê dikim ku
werin cihê Navenda Çand û Hunerê û Kevana Zêrîn daku bikaribin di aliyê çandî
de xwe pêş bixin.”
0 Yorumlar