Dewleta Tirk a dagirker li bajaroka Derkarê ya ser bi Zaxo komkujî pêk anî. Di encamê de 8 geştiyarên Ereb jiyana xwe ji dest dan û 17 kes jî birîndar bûn.
Êrişên dewleta Tirk ên bi hevkariya Partiya Demokrata Kurdistanê (PDK) ên li ser Başûrê Kurdistanê berdewam dikin.
Artêşa Tirk a dagirker gundê Perex ê Derkarê yê Zaxo geştiyarên Ereb topbaran kir.
Qaymeqamê Zaxo Muşir Beşîr têkildarî komkujiyê agahî dan Rojnews’ê û diyar kir ku di êrişê de herî kêm 8 geştiyarên Ereb hatin qetilkirin û 17 kes jî birîndar bûne.
Muşir Beşîr destnîşan kir ku rewşa 8 birîndaran girane û li nexweşxaneyên Zaxo tên dermankirin.
Muşir Beşîr ragihand ku piraniya geştiyaran xelkê navend û rojavayê Iraqê ne.
Qaymeqamê Zaxo Muşir Beşîr got ku artêşa Tirk 4 guleyên topê avêtine gund.
Li gorî çavkaniyan, di dema topbaranê de, balafirên keşfê yên dewleta Tirk li ser herêmê digeriya.
Di nava birîndaran de jin û zarok hene.
0 Yorumlar