Gundê
Hîlal yek ji gundên qedîm ê Şirnaxê ye ku bi dîroka xwe ya hezar salan û bi
dewlemendiyên xwe yên çandî yek ji heremên herî giring ên mîrateya çanda Kurdewariye
ku li ser singa xwe tovên şoreşê şîn dike û şitlên wî bi berxwedaniyê dihûne û
bi taybetmendiyên di nava xwe de mezin dike. Di binê her kevirek yê li ser vê
xakê de bi hezaran çîrokên veşartî hene. Ev çîrok, çîrokên qehraman û lehengên
keç û lawên gelê Kurde ku ji bo welatê xwe canê xwe xistine mertal. Her yek ji wan
bûn parêzvanê xaka xwe li ser şopê heqîqetê ku ew bixwe heqîqet bûn. Yek ji wan
jî Rêheval Yehya Benek ango Azad bû ku di sala 1976’ de li gundê Hîlal a Şirnaxê
di nav malbatek welatparêz de çavên xwe li cîhanê vedike. Rêheval Azad li gund dibistanê
heta sereteyê pênç dixwene. Heval Azad di temenê xwe yê biçûk de tevgera
azadiya Kurdistanê nasdike û ew hestên welatparêziyê dihilê ku Rêheval Azad ji
zarokên di temenê xwe de cûdatir mezin bibe, di heman demê de jî dibû sedem ku
hîn zûtir bikeve nava lêgerînên jiyanê. Rêheval Azad xwedî kesayetek berpirs û
dilnizme. Ji ber ku zarokê malê yê mezin bû, berpirsartiya malê jî dikeve ser
milê wî û ji bo debara malê çi kar hebûya dikir. Rêheval Azad ku di hêla her ferdek
yê malbat û gund de dihat heskirin, bi rûkenî û kêfxweşiya xwe dilê herkesî
kêfxweş dikir. Heval Azad di nav hestên welatparêzî de her ku gerîlayên welatê
xwe nasdikir, lêgerînên wî jî kûrtir dibû. Dizanibû ku ji bo welatek azad
têkoşînkirin pêwîste û ev têkoşîn jî têkoşîna keç û xortên Kurd ya ku li
çiyayên azad bê hempa dihate meşandin bû. Li ser vî esasî biryara xwe ya tevlêbûna
nava refên gerîla dide. Dema dixwaze beşdar bibe ji hêla dijminê mirovatiyê ve
tê girtin û di êşkenceyê re tê derbaskirin. Piştî dû mehan şunde tê berdan. Ev êşkence
û zordariyên devleta Tirk, dihêle ku kîn û nefreta Rêheval Azad mezintir bibe û
biryara tevlîbûnê mîsoger bike. Li ser vî esasî di sala 1989’an de ji bo
têkoşîna xwe bê hempa bike û bibe şagirtek ji wan şagirtên Rêber Apo, berê xwe
dide çiyayên welatê xwe. Navê Azad li xwe dike û wek navê xwe li ser rêgezên
heqiqetê dest bi jiyanek azad a nû dike. Li ser her lûtkeyên çiyayên welatê xwe
hespê xwe bi azadî dibezand. Sonda wî bû, di vê welatê xwe jî azad bikirba. Bi
vê bîr û baweriyê di demek kin de xwe di bîrdoziya Rêbertî de pêş dixe û ji bo
her hevalek xwe yê dozê dibe pêşengek jiyanê. Ew parêzvanê welatê xwe bû. Rêheval
Azad bi fedekarî û bi cesaretek bê hempa di her çalekiyê de, di çeperên pêşde
cîh digre û derbên giran baha li dijminê mirovatî dixist. Bi van çalekiyan ve tola
hezar salan radikir û dibû xofek di nav dilên neyaran de. Sal 1995, dîsa yek ji
wan çalekiyan bû ku heval Azad di çeperê pêş de cîh digre û êrişê dijminê
mirovatiyê dikir. Di vê çalekiyê de bi cesaretek mezin êrişkir û dema paşde
vegerê de bi guleyek ya neyaran re tevlî karwanên nemira dibe. Belê Rêheval
Azad wek her gerîlayek Tevgera Azadiyê li beranberê zilm û zordariyê bi
serbilindahî meşiya û bû hêviyên gelên mazlum û zarokên welatên dagirkirî.
0 Yorumlar