Şêniyên Mexmûrê êrîşa li ser rojnemevanên jin şermezar kirin û wiha gotin: “Ji ber ku çapemeniya azad rastî û hovîtiya dewletê derdixe ronahiyê, dewleta Tirk jî bêdengkirina wan ji xwe re kiriye armanca sereke.”
Jiyan Pîran
Dewletên dagirker ên ku dixwazin Kurdistanê dagir bikin êdî
bi hemû hêza xwe êrÎşî rojnemevanan bi taybet jî rojnemevanên jin dikin. Herî
dawî jî Dewleta Tirk di 23’yê Tebaxê de li navçeya Seyîdsadiq a girêdayî
Silêmaniyê ya Herêma Kurdistanê bi SÎHA’yê êrîşî wesayîta ku rojnamevan têde
bûn kir û Gulistan Tara û Hêro Bahadîn qetil kirin.
Têkildarî vê mijarê û şermezarkirina êrîşên dawî yên li ser
rojnemevanên azad, şêniyên Wargeha Penaberan a Şehîd Rustem Cûdî (Mexmûr) ji
ANF’ê re axivîn.
‘JI BO RASTÎ DERNEKEVE HOLÊ, ÊRÎŞÎ ÇAPEMENIYA AZAD DIKIN’
Kerîma Qewalî di destpêka axaftina xwe de êrîşên li ser
rojnemevanên Kurd şermezar kir û wiha got: “Dewleta Tirk êdî bê teredut, her
kesê dike armanca êrîşên xwe. Êrîşî hemû herêmên ku Kurd têde ne dike. Ger ne
bi hevkariya Malbata Barzanî ba, Dewleta Tirk nedikarî bi serê xwe van êrîşan
pêk bîne û di mala me de çapemeniya me bike armanc. Ji bo ku çapemeniya azad
rastiyê dernexînin van êrîşan li ser endamên çapemeniyê pêk tînin. Mîna gurê
xwînxwar êrîşî kesên bêhna Kurdîniyê jêtê dike. Ger dewleta Iraq û PDK ne
hevkarên wan bûna, ne dikarin bi rihetî çapemeniya me bike armanca xwe. Ev ne
êrîşa destpêkê ye, bi dehan care dewleta Tirk êrîşî Şengal, Mexmûr, Silêmanî,
Kerkûk û Rojavayê Kurdistanê kir. Em wek gel heta dawiyê li gel ciwan, tevger,
gerîla û çapemeniya xwe ne û em ji êrîşên dewletê natirsin. Em li pey doza
azadiya gelê xwe û hebûna xwe ne. Bila baş bizanin em ê bi ser bikevin. Ya ku
niha jî dike ji kîna binketina xwe ya li çiyayên azade. Di şer de li hember
gerîlayên azad têk diçe û bi vê kînê jî êrîşî gel dike. Ji bo çapemeniya azad
rûyê wan dernexe holê, êrîşî wan dike.”
‘LI DIJÎ ÊRÎŞAN, HÊZA GELÊ KURD HER DIÇE ZÊDETIR DIBE’
Îsmayîl Hilalî jî di axaftina xwe de balkişand li ser êrîşên
dewleta Tirk a dagırker ku bi hemû hêza xwe ya NATO’ê êrîşî gelê Kurd dike û
wiha pêde çû: “Ez di kesayeta Şehîd Gulistan û Şehîd Hêro de hemû şehîdên
azadiya Kurdistanê bi bîr tînim. Ji ber ku çapemeniya azad rastî û hovîtiya
dewletê derdixe ronahiyê, dewleta Tirk jî bêdengiya wan ji xwe re kiriye
armanca sereke. Rê dayîna van êrîşan serwerkirina dewleta Tirk a li ser axa
Iraqê ye û ji bo Iraqê şermek mezin e. PDK’ê çapemenî, aborî û siyaseta xwe
radestî dewleta Tirk kiriye, ti cudahiya herdû hêzan ji hev tune ye. Lê bila
dewleta Tirk û hevkarên wan baş bizanin wê ti caran negihijin armanca xwe û wê
nikaribin çapemeniya azad bêdeng bikin. Di demên dawî de dewleta Iraqê bi
dewleta Tirk re hindek li hevkirin pêkanîne. Lê wê roj bê dewleta Iraqê wê ji
van li hevkirinan poşman bibin. Ji ber ku faşîzma Tirk cihê digire dagir dike.
Armanca dewleta Tirk ji Lozanê heta niha diyare Kurd redkirine, înkarkirine,
tinekirine û kuştine. Li dijberî vê her roja ku derbaz dibe hêza gelê Kurd
mezintir dibe.”
Îsmaîl Hilalî bi van gotina dawî li axaftina xwe anî: “Her
şahadetek welatparêzan zêdetir dike. Ji ber ku armanca şehîdên me heqîqeta
mirovatiyê ye. Wê bi dehan kesên xwedî biryara herdû hevalên şehîd li ser rêya
wan berdewam bikin. Pêwîste wek gelê Kurd bertekên me yên li hemberî van êrîşan
diyar bin. Raste li hember êrîşan bertek tên nîşankirin, lê wek tê xwestin ne
têrkere. Divê êdî gelê Kurd bi yek hêzê li hemberî vê faşîzmê têkoşîna xwe
bilind bikin.”
0 Yorumlar