Berdevka Komîteya Pêşbirka Şehîd Denîz Firat, Şîlan Bîlen daxuya kirin wê dawiya meha Hezîranê dawî li girtina berheman bînin û wiha got: “Ciwanan ji bo parastina nirxên şehîdên jin û watedayîna keda wan ev pêşbirk sazûman kirine.”
Navenda Nûçeyan
Şoreşger û
şopdara rêya heqîqetê Denîz Firat ku di sala 2014’an de, di encama êrişên
çeteyên DAIŞ'ê de li Wargeha Penaberan a Mexmûrê hat şehîdxistin. Ji aliyê
Yekîtiya Xwendevanên Azad (YXA) ve ji bo biranîna Rojnameger Denîz Firat pêşbirkek
ya helbest, çîrok û wênekêşiyê hat lidarxistin. Îsal jî 6'emîn pêşbirka Şehîd
Denîz Firat a helbest, çîrok û wênekêşiyê ji bo biranîna Sara Hogir Riha,
Bîşeng Brusk û Rojnameger Seyît Evran tê lidarxistin. Têkildarî vê xebatê
Berdevka Komîteya Pêşbirka Şehîd Denîz Firat, Şîlan Bîlen ji rojname ya me re
axivî.
‘Watedayîna
keda wan’
Şîlan
Bîlen di destpêka axaftina xwe de destnîşan kir ku xebatên bi vî awayî
pêşxistin û pêşketinê di wêje û hişmendiya civaka Kurd de dide çêkirin û wiha
got: “Pilansaziya vê pêşbirkê piştî şahadeta Şehîd Denîz Firat hat kirin. Ciwanan
ji bo parastina nirxên şehîdên jin û watedayîna keda wan ev pêşbirk sazûman kirin.
Em jî li ser vê aramanca wan ji bo pêşxistin û dewlemendkirina wêjeya Kurdî vê
xebatê didin domandin. Dibe ku cihê xebatê Mexmûr be, lê li hemû herêm, bajar û
cihên ku Kurd têde jiyan dikin dikarin beşdariya xwe ji vê pêşbirkê re çêbikin.
Berhemên ku beşdarî vê pêşbirkê bên kirin, pêwîste bi zaravayê Kurmancî,
soranî, zazakî û bi zimanê Tirkî û Erebî bin. Niha li her çar aliyên Kurdistan
û derveyî Kurdistanê beşdarbûn ji vê pêşbirkê re tê çêkirin.”
‘Girtina
berheman dawiya Hezîranê bi dawî dibe’
Şîlan
Bîlen diyar kir ku ji meha Nîsanê ve dest bi xebatên pêşbirka Şehîd Denîz Firad
kirine û wiha anî ziman: “Wek komîte me
di meha Nîsanê de dest bi amadekariyên vê pêşbirkê kirine û wê heta dawiya meha
Hezîranê berhem ji bo vê pêşbirkê bin girtin. Piştî dawî bûna berheman, wê ji
aliyê joriyên hatine diyarkirin ve berhemên heyî bên komkirin û yên ku pile bigirin
wê bên destnîşan kirin. Beşdarvan dikare bi dû wêne, dû helbest yan jî çîrokekê
beşdarbûna xwe çêbike. Mercên serek yê pêşbirkê pêwîste berhemên ku ji bo
pêşbirkê tên şandin heta niha li ti cihekê ne hatibe weşandin. Kesên ku berhem
dişînin li gel berhemê xwe divê kurte jiyana xwe jî binivîsin ku kes werin
naskirin. Ji bo kes xwe bigihînin navnîşana me, em torên medya dijîtal
bikartînin.”
Şîlan
Bîlen di dawiya axaftinên xwe de wiha got: “Rêjeya beşdarbûnê gelek başe û
piranî berhemên ku niha gihiştiye ber destê me, helbestin. Daxwaza me ewe ku
ciwanên me yên wargehê beşdarbûna xwe ji vê pêşbirkê re bidin çêkirin. Em
pêşbirka xwe ya îsal di kesayeta Şehîd Denîz Firad de diyarî Şehîd Sara Hogîr
Ruha, Şehîd Bîşeng Birûsk û Rojnameger Seyîd Evren dikin. Xelatgirên pêşbirkê
wê bi merasîma ku di 8’ê Tebaxê de li Wargeha Penaberan a Mexmûrê were
lidarxistin, xelatên xwe bigirin.
Navnîşanên
serlêdana pêşbirkê evin:
* e-maîl:
yekitiyaxwendevanenazad@gmail.com
*
Instagram: Pêşbirka Ş.Deniz Firat
* Telefon:
+964 751 842 55 76
*
Facebook: Peşbirka Ş Deniz Firat
* X:
Pêşbirka Ş.Deniz Firat
0 Yorumlar