Dr. Egîd Kobanê têkildarî nexweşiyên ku di nava wargehê de belav dibin ev hişyarî dan: “Di van demên dawî de nexweşiyên ser êş, kûxik, jana gewrî û jana giştî ya laş belav dibe û divê her kesê ku nexweş bibe yekser maske bikar bîne. Dema herareta bilind çêbû yekser kesê nexweş bixin nav ava cemidî û bînin nexweşxanê.”
Armanc Herekol
Dr. Egîd
Kobanê têkildarî nexweşiyên ku ji ber hatina werza havînê di nava wargehê de
belav dibe û xweparastina ji nexweşiyan ji rojnama me re axivî û zanyariyên
girîng bi me re parvekirin.
Her roj
30 heta 60 kes diçin nexweşxane yê
Dr. Egîd
Kobanê di destpêka axaftinên xwe de diyar kir ku bi hatina havînê re nexweşî
zêde bûne û got: “Van demên dawî nexweşên ku tên gel me, piranî ji ber kûxik,
ser êş, jana gewrî, bê halî û jana giştî ya laşe. Ev yek di wargehê de zêde bûye.
Ji sedî 90 nexweşên me ji ber van nexweşiyan tên gel me. Rojê di navbera 30
heta 60 nexweş serlêdana me dikin. Di van deman de evqas nexweşî ne normal e.
Ji zarokan bigire heta mezinan belav bûye.”
‘Herareta
zêde metirsîdar e’
Dr. Egîd
di nava axaftinên xwe de destnîşankir ku di van deman de çend kesên ku herareta
wan bilind hatine nexweşxaneyê û wiha behs kir: “Qasî 4 heta 5 kesên ku herareta
wan bilind hatin nexweşxaneyê ku di laşê wan de sorik derdikevin. Ev herareta
bilind pir bi metirsîdare û divê lezgîn pêşiya wê bê girtin. Dema ku herareta
zarok an jî mezinekî bilind bû, divê yekser bixin nav avek cemidî û ava cemidî
pêde bikin. Beriya bê nexweşxaneyê divê lezgînî bixin ava cemidî. Piştî wê
bînin nexweşxaneyê. Zêdebûna heraretê pirsgirêke û carnan mirov pê dimire jî.”
‘Nexweşên
kronîk divê dermanên xwe bikarbînin!’
Dr. Egîd
Kobanê ji bo xweparastina nexweşiyên sivik ev zanyarî parve kirin: “Divê gelê
me maske bikar bînin û bê maske tevnegerin. Ji ber ku ev nexweşî derbasî kesên
din jî dibin. Ji ber nexweşiyên wek kûxik û ser êş em naxwazin derman bên bikaranîn,
ji ber ku ev nexweşiyên normalin. Deh rojan jî bikûxin bila maske bikarbînin û
dermanên Kurdî vexwin. Lê kesên ku nexweşiyên wan ên kronîk hene divê dest ji
dermanên xwe bernedin. Dibe ku dermanên Kurdî bikarbînin, lê divê ew kesên ku
nexweşên tansiyon, şekir û nexweşên dilin navber nedin dermanên xwe, metirsiya
jiyanî li ser wan heye.”
‘Ava
cemidî nevexwin’
Herî dawî
Dr. Egîd Kobanê balkişand li ser germahiyên zêde û ev hişyarî dan: “Divê êdî
zarok û kesên nexweş di demjimêrên gerim û rojên toz de dernekevin ji der ve. Ava
cemidî nevexwin û xwe biparêzin. Ava cemidî vexwarin gelek xirabe. Çend kesên
ku felca rû derbaskirin hene û ev yek xetere. Sedema felcbûna rû, îltîhaba
demarekî ye. Divê gelê me xwe biparêze. Sedema wê jî virûseke. Îltîahaba beleîn
(bademcîk), karanîna dermanên kronîk, sitresa zêde û derûniya mirov nebaşbe,
dibe sedemên felcbûna rû. Divê di dema ku felca rû çêbû de yekser bên
nexweşxaneyê. Sê pêvajoyên wê hene, yek heye felc dibe û piştî wê baş dibe, yek
heye demdirêj dimîne û yek jî heye heta heta dimîne.”
0 Yorumlar