Têkoşîna azadiyê ya ku bi diruşmeya “Heta jin azad nebe, civak azad nabe” hatî destpêkirin, girîngiya peywira jina azad a di azadiya civakê de raxistiye pêş çavan. Lewra Rêber Apo bi hişmendiya xwe giyanê jina azad derxist holê û êdî jin di hemû qadên jiyanê de bû xwedî helwest, sekin û gotin.
Jin ango dayîk a ku avaker û xwediyê çanda Neolotîk e, di
pêvajoya pêşketina mirovahiyê de pêşengî kiriye. Wate, ger mirovahî di her warî
de kariye xwe bigihîne roja me ya îro, divê neyê ji bîrkirin ku bi saya jinê
çêbûye. Ji ber her tiştê ku tê sazumankirin li ser bingehê pêşî hatî danîn, tê
avakirin. Her wiha jiyana mirovatiyê jî ya li ser bingehê jiyana jinê di
seretaya mirovatiyê de danîn, hatiye avakirin û gihiştiye roja me ya îro.
Piştî bidawîhatina serdema dayîksalarî û destpêkirina
serdema baviksalarî, her çi qas jin di bin lingan de hatibe perçiqandin, weke
meta lê hatibe temaşekirin û bi her cure bêmafiyê re rû bi rû mabe jî ji
cewherê xwe dûrneketiye û taybetmediyên xwe yên cewher her tim parastiye. Li
beramberî hemû nêzîkatiyên bêmafî û newijdanî her tim bûye xwedî sekin û
helwestek şayan û serî li beranberî ti nêzîkatiyekê nedaniye. Ji ber wê yekê sîstem
çi dibe bila bibe, her tim kariye di jiyanê de xwe bide dîtin û pêhesandin.
Mîna her pêşdînekî, di mijara heqîqeta jinê de dîsa Rêbertî
karî bibe xwedî pêşdîtinek rast û bihêz. Lewra, Rêbertî di danîna bingehê
şoreşa azadiyê de jinê weke pêşengê têkoşîna azadiyê wesifkir û bi vê
nêzîkatiyê jinê di pêvajoya şerê azadiyê de, di her warî de, zora her
nexweşiyek yê jiyanê derbazkiriye, di şer de bûye şervanek herî baş, di huner
de bûye hunermendek herî baş, di siyasetê de bûye siyasetmendarek nimûne û di
pêşengiya jiyanê de bûye mîna stêrkek geş li asîmanê şoreşa azadiyê û gelê
Kurdistanê. Vê yekê, di her qadên têkoşîna azadiyê de, li pêş çavê hemû cihanê
bi caran selmandiye.
Roja îro ku Rêbertî bi salaneye dibin tecrîtek girankirî
de ye, bê gûman jina azad di hemû rewşan de, di bin hemû zorî û zehmetiyan de,
di her qadê de ji bo azadiya fîzîkî ya Rêbertî de dîsa mîna her carê bûye
pêşengek pir baş. Ji şerê li hember dagirkeriyê bigire heta çalakiyên ku li her
qadên Kurdên cîhanê hatine destpêkirin û hîn jî tên berdewamkirin pêşengî
kiriye û hîn jî vê pêşengiya xwe berdewamdike.
Bi hîvî, bawerî û vînek polayî, berxwedana li hember
dagirkerî û zilmê tê meşandin, bê gûman wê bi azadiya fîzîkî ya Rêber Apo,
azadiya gelê Kurd û welatê me Kurdistan bê tacîdarkirin. Emê di vê têkoşîna xwe
de serbikevin ji ber em mafdarin. Ev yek jî bê gûman wê bi pêşengiya jina azad
çêbibe.
Evîn Yaman
.JPG)
0 Yorumlar