Hunermendên biçûk ên koma Jînim Jiyanim a Stêra Zêrîn ya Mexmûrê, bi huner û stranên xwe xiyaneta Mala Barzanî û tecrîda girankirî ya li ser Rêber Apo şermezar kirin û berxwedana dîrokî ya gerîla jî slav kirin.
Armanc Herekol
Hunermendên biçûk ên koma Jînim Jiyanim a Stêra Zêrîn ya Wargeha
Penaberan a Şehîd Rustem Cûdî (Mexmûr) bi huner û stranên xwe, xiyaneta Mala
Barzanî ya li dijî gel û Tevgera Azadiya Kurd û tecrîda girankirî ya li ser
Rêberê Gelê Kurd Abdullah Ocalan tê meşandin şermezar kirin. Her wiha
berxwedana dîrokî ya gerîlayên HPG û YJA-STAR’ê ya li dijî dagirkerî û xiyanetê
jî slav kirin.
Koma muzîkê ya Jînim Jiyanim ji 10 kesan pêk tê û ev bi qasî
sê sal in, li Navenda Stêra Zêrîn a Mexmûrê perwerde dibînim. Bi dehan caran di
pîrozbahî û şahiyan de çûne ser dîkê û hunera xwe pêşkêş kirine. Gelek caran,
ji bo ku tecrîda girankirî ya li ser Rêber Apo şermezar bikin û moralê bidin
gel, di çalakiya nobetê ya ku ji 20’ê Tîrmehê ve li Wargeha Mexmûrê hatî
destpêkirin de, stranan dibêjin.
Piranî stranên vê komê şoreşgerî û potporî ne. Tenê yek
armanca vê komê heye, ew jî xwedî li çand û hunera Kurdî derketin û fêdeyek
dayîna civaka xwe ye. Ji ber vê armancê timî xwe perwerde dikin û pêşdixin. Komînalbûn
û bi hev re xebat meşandina vê komê, timî bala gel kişandiye û bûye sedem ku zarok
û ciwanên wargehê hîn zêdetir berê xwe bidin Navenda Stêra Zêrîn. Ev kom ji
aliyê gelê wargehê ve jî pir tê hezkirin û êdî hemû kes wan nas dike û
piştgiriya xwe bi wan re didin nîşandan. Koma Jînim Jiyanim wek navê xwe jîn û
jiyana wargehê ye.
Ev koma biçûkan ji tecrîda girankirî ya li ser Rêber Apo, xiyanet
û êrişên li ser gel û hunera Kurdî hayedar in. Timî li dijî xiyanet, tecrîda li
ser Rêber Apo û êrişên li ser gelê Kurd, stranan dibêjin û van kiryarên qirêj
şermezar dikin. Berxwedana dîrokî ya gerîlayên azadiya Kurdistanê jî ji bîr
nakin û bi stranên şoreşgerî wê berxwedana ji pola silav dikin û piştgiriya xwe
tînin ser ziman.
Endamên Koma Jînim Jiyanim a Stêra Zêrîn, li ser kar û
xebatên xwe, êriş û xiyaneta Mala Barzanî, dagirkerî û berxwedana gerîla ji ajansa
me re axivîn û stran gotin.
Hem kêfxweşin û hem jî kêfxweş dikin
Endamê Koma Jînim Jiyanim ê bi navê Yasîn Apaydin anî ziman
ku dema ew stranan dibêjin kêfxweş dibin û got: “Em koma Jînim Jiyanim in. Em
bi kêfxweşî stranan dibêjin û gel kêfxweş dikin. Em dixwazin Rêberê me bi
fîzîkî bê azadkirin. Stranan ku em dibêjin, em diyarî Rêber Apo û gerîlayên
serê çiya dikin.”
Bi stranan tecrîd û xiyanetê şermezar dikin
Her wiha endama bi navê Vîyan Yîgît jî axivî û di serî de
xiyaneta mala Barzanî ya li dijî gelê Kurd şermezar kir û wiha peyivî: “Em wek
kom, ev sê salin bi hev re perwerde dibînin û stranan dibêjin. Em li vir xwe
fêrî hunera Kurdî dikin. Em diçin ser dîkê û bi stranên xwe, tecrîda li ser
Rêbertî û xiyaneta PDK’ê şermezar dikin. Em van stranên xwe dîyarî Rêber Apo,
şehîd û şervanên serê çiya dikin.”
Bi enstrumanên xwe bertek nîşan didin
Li ser heman mijarê endamê bi navê Dezdar Utun jî axivî û
destpêka axaftinên xwe de slavên xwe ji Rêber Apo û gerîlayên serê çiya ên ku niha
li dijî dagirkerî û xiyanetê li berxwe didin re şandin û ev tişt gotin: “Em wek
kom xebatek a muzîkê didin meşandin. Em bi stran û hunera xwe, kiryarên Mala
Barzanî, êrişên dewleta Tirk û qirkirina çanda Kurdî şermezar dikin. Em bi enstruman
û stranên xwe, li dijî van kiryarên qirêj disekinin. Em stranên li ser Rêber
Apo, şehîd, gerîla û Kurdistanê dibêjin. Di her stranên me de mijarek heye. PDK
dibêjin em Kurdin û li dijî Kurdan şer dikin. Em xiyaneta PDK’ê şermezar dikin.”
‘Xwedî li çanda Kurdî derbikevin!’
Herî dawî endama bi navê Nalîn Apaydin jî wiha hestên xwe bi
me re parvekirin: “Koma me navê wê Jînim Jiyanim e. Wateya wê pir xweşe, hem
jine û hem jîyane. Em wek kom bi stranên xwe gel kêfxweş dikin. Li cihê
çalakiyan em stran û hunera xwe pêşkêş dikin. Em bi stranên xwe êrişên li ser
Kurdan şermezar dikin û em bang li tevahî ciwanan dikin da ku xwedî li çand û
hunera Kurdî derbikevin.”
0 Yorumlar