Li Wargeha
Penaberan a Şehîd Rustem Cûdî (Mexmûr) Gerîlayê HPG’ê Soro Gabar(Vedat Otun) bi
merasîmekî bi heybet hate bibîranîn.
Li Wargeha
Penaberan a Şehîd Rustem Cûdî (Mexmûr) Gerîlayê HPG’ê Soro Gabar(Vedat Otun) bi
merasîmekî bi heybet hat bîranîn. Di merasîmê de, di kesayeta Şehîd Soro Gabar
ji bo tevahî şehîdên Tevgera Azadiya Kurdistanê deqeyek rêz hat girtin. Piştî
rêzgirtinê sicîla şehîd hat xwendin, her wiha piştî wê Hevserokê Meclîsa Gel a
wargehê Yusif Kara axivî.
Yusif Kara
di destpêka axaftina xwe de di kesayetiya Şehîd Soro de tevahî şehîdên
Kurdistanê bibîranî û got: “Dema mirov di hizûra van parkrewanên nemir de kom
dibin, lingên mirov, mejiyê mirov dilerize. Malbatek ku buyî nirxên pîroz yên
Kurdistanê, malbatên ku mohra xwe li dîroka vê şoreşê dayîn bi van cangoriyan,
bi vê fedekariyê bi vê exlaqê şoreşgerane xwedîkirin, mezinkirin û gihandina vê
astê û bibe nirxê qewmekê, neteweyekê, şoreşekî ev nabe nesîbê her kesekê. Ji
ber vê ya ku ji me tê xwestin, emê çawan bibin layîqê van şehîdan û van
malbatên ku ewqas xwedî keramet û bi nirx, emê çawan bikaribin al, nirx,
wêrekî, vîn û keda wan xwedî derbikevin û biparêzin. Her malbatekî li vir xwedî
gerîlayeke, xwedî şehîdekî nemire, ji ber wê dema em dibêjin Wargeha Mexmûr
wargeha şehîdan tê zanîn û pênasekirin. Ji bo em bi karibin li keda wan
derbikevin jî erk û wezîfeya me şopandina doza wan û daxwazên wane. Dubare em
dibêjin serê malbata hêja, serê Rêber Apo, rêhevalên wî û gelê welatparêz
saxbe.”
Piştî
azaftina Hevserokê Meclîsa Gel, li ser navê malbatê dayîka Şehîd, Emîne Otun
axivî û got ku Şehîd Soro ne şehîdê malbatê ye şehîdê we tevane û got: “Wesyeta
Şehîd Soro ew bû ku dema şehîd bikeve ez jêre tilîlî bidim, min wesyeta wî anî
cih. Serê Rêber Apo saxbe, serê hevalên wî û tevahî gelê amade saxbe.”
Her wiha
bavê Şehîd, Hamid Otun jî axivî û diyar kir ku Şehîd Soro şehîdê we tevaye û
got: “Destpêkê serê Serokatî saxbe, serê hevalên wî yên ku îro di çeperan de li
berxwe didin û yên ku di zindanan de têdikoşe saxbe û serê gelê walatparêz
saxbe. Erka ku niha dikeve li ser milê me, em li ser şopa wan bi meşin û xeyal
û xwestekên wan heta serkeftinê bibin.”
Piştî
axaftinan merasîma bîranînê bi dirûşmeyên, “Bijî Serok Apo”, “Şehîd Namirin” bi
dawî bû.
Hêjayî
gotinê ye ku Soro Gabar şehîdê malbatê yê sêyemîne. 2 birayên wî yên din di
nava Tevgera Azadiya Kurdistanê de şehîd bûne.
0 Yorumlar