Mîhrîcana Çand û Hunerê ya Şehîd Bêrîtan li Mexmûrê bi girseyî hat pîrozkirin

Li Wargeha Penaberan a Mexmûrê 8. Mîhrîcana Çand û Hunerê ya Şehîd Bêrîtan ku dûh destpêkiribû, îro bi şahiyekî girseyî hat pîrozkirin û di pîrozkirinê de soza şopandina xeta jina azad hat dayîn.

Li Wargeha Penaberan a Şehîd Rustem Cûdî (Mexmûr) 8. Mihrîcana Çand û Hûnerê ya Şehîd Bêrîtan (Gulnaz Karataş) ku dûh bi bi vekirina pêşangeha wêneyan û pêşandana xwarinên gelêrî hatibû destpêkirin, îro bi şahiyekî girseyî hat pîrozkirin.

Pîrozbahî li Navenda Çand û Huner a Mexmûrê pêkhat. Qada pîrozbahiyê bi wêneyên Rêberê Gelê Kurd Abdullah Ocalan, alên PKK, HPG û YJA-STAR’ê hatibû xemilandin.

Pîrozbahî bi tevlîbûna şêniyên wargehê û xwendevanan, bi deqeyek rêzgirtin destpêkir. Piştî rêzgirtinê koma Şehîd Mardîn Penaber a govendê hat ser dîkê û bi govend û cil û bergên xwe yên gelêrî reng dan şahiyê. Piştre Şanoya ku ji aliyê Kevana Zêrîn hatî amadekirin hat pêşandan.

Piştî wê xelatên yekem, dûyem û sêyemîntiya tornovaya voleybolê ya Şehîd Ebûzêd Dêrhinî hatin dayîn. Her wiha şahî bi stranên Hunermed Sosin û bi dirûşmeyên ‘Jin Jiyan Azadî’ bi coşekî mezin berdewam kir. Piştî Hunermend Sosin, koma Şehîd Helbest Koçerîn a dayîkên wargehê ya govendê derket ser dîkê û bi govendên xwe yên gelêrî moral dan şahiyê.

Herî dawî Koma Hezex bi stranên xwe gel rakirin ser piyan û 8. Mîhrîcana Çand û Hunerê ya Şehîd Bêrîtan bi girtina govendê bi dawî bû.