Pêvajoya ku niha Rojavayê Kurdistan û Bakur Rojavayên Suryê têde derbaz dibe gelek girîng û hesase. Êrişên dewleta Tirk a dagirker li ser sînor zêdetir dibe, di van êrişan de sivîl û pêşengên civakê tên armanc girtin. Her wiha hewila hişyarkirin û zindikirina DAIŞ’ê li herêmê zêdetir dibe. Liv û tevgera şaneyên DAIŞ’ê û metirsiya herî mezine ku DAIŞ dibin banê dewlet Tirk a dagirker de xwe li herêmê ji nûve zindî dike. Çeteyên DAIŞ’ê yên li girtîgehan û 50 hezar jin û zarokên DAIŞ’ê yên li kampa Holê ku nediyare wê kengê biteqe, metirsiyek mezin ji bo tevahî cîhanê çêdike. Ji bo ev şaneyên DAIŞ’ê negihin armanca xwe, ev du carin li kampa Holê oparasyona ‘Mirovî û Ewlehî’ tê lidarxistin. Di 25’ê Tebaxê de oparasyona ‘Mirovî û Ewlehî’ di bin pêşengtiya hêzên ewlehiya hindirîn, bi pijgiriya YPJ-QSD’ê de ku li kampa Holê destpêkiribû heta niha jî didome. Di vê oparasyonê de gelek şenyên DAIŞ’ê yên veşartî ku dixwastin li kampa Holê DAIŞ’ê ji nûve zindî bikin hatin desteser kirin. Wek me di destpêk de jî destnîşan kirî, jinên ku di kampa Holê de dimînin xwedî fikrên DAIŞ’ê ne û ji bo bikaribin di nava kampê de fikrê xwe zindî bihêlin êşkence li jinên din dikin. Di oparasyona heyî de bi dehan jinên ku destê wan di kuştina jinên li kampa Holê de hene hatin desteserkirin. Di demê dawî de 176 bûyerên kuştinê di nava kampa Holê de bi destê van jinan pêk dihatin. Jinên ku hewlididan xwe ji fikrê DAIŞ’ê rizgarbikin, bi destê jinên DAIŞ’î di hatin kuştin. Di demê dawî de her ku diçû bûyerên kurştinê li kampê zêde dibû.
Ji bo wê pêwîstî
bi oparasyonekê hat dîtin. Di vê oparasyonê de gelek jinên xwedî fikrên DAIŞ’ê
hatine girtin. Jinên DAIŞ’î ji bo ku bikaribin ji kampê bi revin gelek tûnel kolabûn.
Gelek çek û alên Tirkiyê di konên ku jinên DAIŞ’î têde hatîn desteser kirin,
hatin dîtin. Jinên DAIŞ’î ji bo serjêkirina mirovan fêrî zarokên xwe bikin, pez
xwedî dikirin û li ser serjêkirina pez ew fêrî serjêkirina mirovan dikirin. Di
nava konan de dadgeh hatibûn danîn, kesên ku li hiberî fikra DAIŞ’ê radibûn, di
wan dadgehan de dihatin darizandin. Her wiha zarokên xwe jî li ser fikrê DAIŞ’ê
perwerde dikirin. Ya ku pêşengtî ji civakê re dike û civakê li ser rastiya
civakê birêve dibe jinin. Ji ber wê yekê ev jinên ku niha bi fikrê DAIŞ’ê li
kampa Holê dimînin metirsiyek mezin li ser civak û rastiya civaka Rojhilata Navîn
didin çêkirin. Şervanên YPJ’ê jî ji bo bikaribin bi fikrê xwe yê azad pêşî li
fikrê DAIŞ’ê yê paşverû bigre, di oparasyonê de rolê serek daye ser milê xwe û
di eniya pêş de cih digire. Di fermana 74’an ya li ser Şengalê de gelek jinên
Êzidî hatine dîlgirtin û heta niha jî gelek ji wan di destê DAIŞ’ê de ne. Bi
sedan jinên Êzidî di vê kampê de hatin rizgar kirin. Bi taybet di vê oparasyonê
de jinek 18’e salî ku navê wê Wefa ye ji destê jinên DAIŞ’ê hate rizgarkirin.
Wefa di 9 saliya xwe de ji Şengalê hatibû revandin, 6 caran tê firotin û herî
dawî di destê jinên DAIŞ’ê yên li kampa Holê de bû. Ji bo ne bêje ez Êzidî me
ji aliyê jinên DAIŞ’ê ve gefa kuştinê lê dihat kirin. Divê oprasyonê de Wefa bi
destê YJP’ê ji destê DAIŞ’ê hate rizgarkirin û niha li benda dîtina malbata xwe
ye. Ne tenê Wefa belku gelek jinên di nava kampê de dixwastin ji fikra DAIŞ’ê
rizgarbibin di kampê de dihatin dîlgirtin, ji aliyê YPJ’ê ve hatin rizgar
kirin. Cenazeyê sê jinan di tûnelan de hatin dîtin. Gelek jinên di konên DAIŞ’î
yan de hatibûn girêdan, hatin rizgarkirin. Ew jinên dixwastin xwe ji fikrê
DAIŞ’ê rizgarbikin û ji aliyê jinên DAIŞ’î ve di hatin êşkence kirin jî, bi
destê şervanên YPJ’ê hatin rizgarkirin. Jinên ji destê DAIŞ’ê tên rizgarkirin,
kêfxweşî û kelecana xwe bi YPJ’ê re parvedikin. YPJ ji bo parastina nirxên
Rêvberiya Xweser û azad kirina jinan têkoşînek mezin li hember şaneyên veşartî
yên DAIŞ’ê didin meşandin. Oparasyonek mezin û girîng li kampa Holê hatiye
destpêkirin. Her çiqas ev kamp gelek mezin û metirsîdare jî, cîhan li hember vê
bê helweste. Ti alîkariyek ji bo Rêvberiya xweser nayê dayîn. Ev oparasyon heta
niha jî berdewame û ne diyare ku wê ev oparasyon kengê bi dawî bibe.
CIWANA CUMA - ROJEV
.JPG)
0 Yorumlar