HPG: Di çalakiyên hêzên me de ku li çiyayên Kurdistanê destana berxwedanê dinivîsînin, 14 dagirker hatin cezakirin, dagirkerek birîndar bû, çeperek û radarek hatin îmhakirin.
Daxuyaniya Navenda Ragihandin û Çapemeniyê ya HPG'ê wiha ye:
"Hêzên me yên bi rengekî fedaî şer dikin û derbên giran li artêşa Tirk a dagirker dixin, çalakiyên xwe yên ji bo silavkirin Cejna Vejînê ya 15'ê Tebaxê dewam dikin. Ji bo bîranîna hevrêyê me Agîd Garzan ku şopdarê Fermandarê Mezin Mahsûm Korkmaz (Agîd) bû û di êrîşa dewleta Tirk a faşîst de şehîd bû, her wiha ji bo bîranîna du generalên Iraqî yên di heman êrîşê de şehîd bûn, hêzên me çalakî lidar xistin. Di çalakiyên hêzên me de ku li çiyayên Kurdistanê destana berxwedanê dinivîsînin, 14 dagirker hatin cezakirin, dagirkerek birîndar bû, çeperek û radarek hatin îmhakirin.
Artêşa Tirk a dagirker 10 caran bi bombeyên taktîk nukleer û çekên kîmyewî, 4 caran bi balafiran, 12 caran bi helîkopterên êrîşê û bi dehan caran jî bi çekên giran êrîşî Qadên Berxwedanê kir.
Agahiyên berfireh ên li ser çalakiyan û êrîşan wiha ne;
Di çarçoveya Pêngava Şoreşgerî ya Bazên Zagrosê de li herêma Xakurkê;
6'ê Tebaxê saet di 20:30'î de hêzên me bi çekên giran li dagirkerên li Girê Koordîne xistin. Di encama derbên giran de 2 dagirker hatin cezakirin, çeperek hate îmhakirin.
Ev çalakî ji bo bîranîna fermandarê me yê nemir Şehîd Agîd Garzan hate lidarxistin ku 11'ê Tebaxa 2020'î di encama êrîşeke nemerdane ya dewleta Tirk a dagirker de şehîd bû.
Di çarçoveya Pêngava Şoreşgerî ya Şehîd Savaş Maraş a Cenga Xabûrê de;
4'ê Tebaxê saet di navbera 09:30-10:00 de li Qada Berxwedanê ya Girê FM'ê sê caran bi taktîka sûîqestê çalakî hate kirin û 3 dagirker hatin cezakirin.
6'ê Tebaxê li Qada Berxwedanê ya Girê FM'ê bi çekên ferdî û sûîqestê li dagirkeran hate xistin. Di encama van çalakiyan de 2 dagirker hatin cezakirin, sîstemeke radarê hate îmhakirin.
6'ê Tebaxê saet di 05:45'an de li Qada Berxwedanê ya Girê FM bi sabotajê li dagirkeran hate xistin ku di nava liv û tevgerê de bûn. Di encamê de 2 dagirker hatin cezakirin.
7'ê Tebaxê saet di 18:00 de li Qada Berxwedanê ya Girê Cûdî bi sûîqestê li dagirkeran hate xistin û dagirkerek hate cezakirin.
7'ê Tebaxê saet di 18:30'î de li Qada Berxwedanê ya Girê Cûdî li dijî dagirkerên ku dixwestin ber bi çeperên şer ve bên, hêzên me çalakî kirin. Di encama vê destwerdanê de dagirker neçar man bi astekê xwe vekişînin.
7'ê Tebaxê saet di 20:30'î de li Qada Berxwedanê ya Girê Amediyê bi çekên ferdî li dagirkeran hate xistin û 4 dagirker hatin cezakirin, dagirkerek jî birîndar bû.
7'ê Tebaxê saet di navbera 21:30-22:10'an de li Qada Berxwedanê ya Girê Amediyê, dagirkeran bi çekên giran bombe li çeperên şer barandin û piştre hewl dan bi pêş ve bên. Hêzên me li dagirkrean xistin û dagirker neçar man bi astekê xwe vekişînin.
Êrîşên artêşa Tirk a dagirker ên bi bombeyên taktîk nukleer û çekên kîmyewî;
6 û 7'ê Tebaxê li Qadên Berxwedanê yên Girê Amediyê û Girê FM 4 caran bi bombeyên taktîk nukleer û çekên kîmyewî bombe li tunelên şer hatin barandin.
7'ê Tebaxê li Qada Berxwedanê ya Karker 6 caran bi taktîk nukleer û çekên kîmyewî bombe li tunelên şer hatin barandin.
Êrîşên artêşa Tirk a dagirker ên bi çekên giran, helîkopter û balafirên şer;
7'ê Tebaxê Qada Berxwedanê ya Saca 2 caran bi balafirên şer hate bombekirin.
7'ê Tebaxê Qada Gundê Dirê yê Garê 2 caran bi balafirên şer hate bombekirin.
7'ê Tebaxê qada Qaşûra ya Metînayê û Qadên Berxwedanê yên Kurojahro û Girê Cûdî 12 caran bi helîkopterên êrîşê hatin bombekirin.
7'ê Tebaxê Qada Berxwedanê ya Girê FM bi çekên giran hate bombekirin."
0 Yorumlar