DI BIN ALA KURDISTANÊ DE DAGIRKERÊN KURDISTANÊ

Artêşa dewleta dagirker û barbar a Tirk, di 14’ê Nîsana 2022’an de li dijî qadên pîroz ên Zap, Metîna û Avaşînê ku bûne stargehên mirovahiya azad, êriş dabûn destpêkirin. Helbet ev êriş û dagirkeriya dewleta Tirk a destpêkê nîne. Dewleta dagirker ji nêz ve Zapê nas dike û êşek ya wan ji vê qada pîroz heye. Sûwar hatin û peya çûn, ev hevok di bîra we de ye mane? Qada Zapê ku ya bûye kûlek di dilê dagirkeran de, dîsa bi têkoşîn û berxwedana xwe artêşa dagirker a Tirk vala derxist. Gerîlayên HPG û YJA-STAR’ê ji destpêka êriş û dagirkeriyê heta niha bi fedayane li ber xwe didin û leşkerên dagirker di qadê de tevizandine. Ev gotin ne propagandane, rastiyeke ku bi dîmen û wêneyên ji daqa şer tên vê rastiyê eşkere dike.

Ji destpêka van êrişan heta niha, mixabin PDK a ku navê xwe ji Kurdistanê digire li rex dagirkerên Kurdistanê cih digire. Ji alîkariya lojîstîkî bigire heta îstîxbarat dayînê, ji şehîdxistina gerîlayên ku xaka Başûrê Kurdistanê diparêze bigire, heta rê çêkirinê, xizmet ji dagirkerên Kurdistanê re dike. Ev kiryarên Mala Barzanî ne niha destpêkiriye, ji berê ve dijminê gelê Kurd e. Zap bi fedayî, têkoşîn û berxwedana xwe tê nasîn. Di sala 2008’an de hêzên gerîla li qada Zapê berxwedanek bê hempa dane meşandin û dijminên ku sûwar hatibûn peya di paş de şandin. Ma ne Mesûd Barzanî hevalbendên wan bûn, wê demê ji ber têkoşîn û berxwedana gerîla ya dîrokî, spasiya gerîlayan kir û gerîla wekî sembola berxwedan, qehremanî û azadiyê hesibandin? Gelo çawa çêdibe niha ev kesayetên bê rûmet, ji heman hêzê re dibêje terorîst? Mala Barzanî di dîrokê de her tim kiryarên dijmirovî li dijî têkoşînên perçeyên din ên Kurdistanê pêkanîne. Loma gelê Kurd li hember van kiryaran matmayî namîne. Malbatek bê rûmet û oportonîtinin. Niha jî heman dijmintiyê li gelê Kurd dike.

Em dikarin çend mînakan bidin da ku em bînin bîra xwe di vê dagirkeriyê de rolê PDK’ê çiye:

1- Lojîstîka artêşa Tirk a di vê êrişê de ji aliyê PDK’ê ve tê dabînkirin.

2- Di hêla îstîxbaratê de PDK erk rakiriye ser milê xwe û ji ber wê gelek gerîlayên azadiyê gihiştine şahadetê.

3- Balafirên bê mirov û helîkopterên dagirkeran ji navendên PDK’ê radibin û êrişî parêzvanên Kurdistanê dikin.

4- PDK bi hevkariya dewleta Tirk çendîncaran li herêma Xelîfanê êrişî komên gerîlayan kiriye û heta niha jî agahî ji wan gerîlayan nayê girtin.

5- Wek tê zanîn ji destpêka vê êrişê ve rojane çekên kîmyewî û qedexekirî ji aliyê dewleta Tirk ve li dijî gerîlayên azadiyê tên bikaranîn. Maskeyên ku gerîla xwe ji van çekan biparêzin, ji aliyê PDK’ê ve hatin desteserkirin.

Û ti bê exlaqî û bê rûmetî nemaye ku PDK’ê pêk ne aniye. PDK ji artêşa dagirker a Tirk zêdetir rol dileyîze. Lê belê gerîlayên ku bi fikir, felsefe û ramanên Rêber Apo xwe ji hertiştî re amadekirî, tevahî plan û projeyên dewleta Tirk-PDK’ê vala derxist. Di sala nû de gerîlayan bi pisporî û rêbazên nûjen li ber xwe dan û cardin sûwar hatin û peya diçin. Artêşa Tirk nekarî li hember berxwedan û çalakiyên fedayane yên gerîlayên serdemê, li berxwe bidin. Loma neçar ma xwe ji hindek devaran bikişîne û hewara xwe gihand PDK’ê. Li cihên ku vekişiyane, hêzên xwe yên PDK’ê bicih kiriye. Ji bo ku hêzên gerîla bi taybet çalakiyan li dijî Girê Hekarî û girên din neke, li ser baragehên xwe ala Rêveberiya Herêmî ya Kurdistanê ya Federal hildane. Gelo ma ala Kurdistanê, Kurdan diparêze yan dagirkerên Kurdistanê diparêze? Artêşa Tirk bi ala Herêma Kurdistanê xwe kamûfile dike.

Girê Hekarî bi qasî 15 kîlometreyan dûrî sînorê Tirkiye û Iraqê ye û li Amêdiyê cihê herî bilinde. Ji ber vê jî xwedî girîngiyeke stratejîk e. Bi rêya ku PDK’ê ji artêşa dagirker re çêkirî, Girê Hekarî bi xeta sînor ve hatiye girêdan. Bi vê rêya xiyanetê, artêşa Tirk tank, wesayîtên zirxî û alavên leşkerî digihîne Girê Hekarî. Bi vê yekê PDK naxwaze keleha dawî a artêşa Tirk bikeve. PDK êdî ji alîkariyê zêdetir bûye hêzek girêdayî dagirkerên Tirk. Gerîlayên Modernîteya Demokatîk bi heyvane li dijî xiyanet, êriş, çekên qedexekirî û kîmyawî li berxwe dide û derbeyên mezin li dijmin dixe. Gerîla hêza xwe ji Rêber Apo û şehîdan digire. Loma dikare li hember çekên qedexekirî şer bike. Cardin hat îspatkirin ku teknîk û xiyanet, li hember vîna azad çok daniye.

Armanc Herekol