Endamê Komîteya karên derve yê Wargeha Mexmûrê, Hadî Pûsat da zanîn eger qadên hewayî ji Tirkiyê re neyê rawestandin, wê her roj komkujiyên mîna ya Perex a Zaxoyê dûbare bin û ev bang kir: “Divê hikumet li dijî dewleta Tirk wekî gel tevbigere û bibe xwedî helwestek cidî.”
ARMANC
HEREKOL - ROJEV
Endamê
Komîteya karên derve yê Wargeha Penaberan a Şehîd Rustem Cûdî (Mexmûr) Hadî
Pûsat, têkildarî êrişên dewleta Tirk a bi rêya balafir û keşfan li ser gel
pêktîne, her wiha bêdengiya Iraq û Herêma Kurdistanê ya li beramberî van êrişan
ji rojnama me re peyivî û bang kir da ku qadên hewayî ji êrişên dewleta faşîst
a Tirk re bê girtin.
‘Êrişên
dewleta Tirk bandorekî mezin li gelê herêmê dike’
Hadî Pûsat
di destpêka axaftina xwe de diyar kir ku şer û teknîk mirovan û xwezayê qir
dike û got: “Êrişên ji hêla qadên hewayî ve tên kirin, zererekî mezin dide
civak, lawir û xwezayê. Wek Mexmûr em vê yekê ji nêz ve dizanin, ji ber ku li
ser me jî tê pêkanîn. Li Iraq û Herêma Kurdistanê, ev bi salane ji aliyê
faşîstên Tirk ve tên bombebarankirin û niştecihên van herêman, di hemû hêlan de
têk çûne. Derûniya xelkê herêmê bin guhê hev ketiye û tirsek mezin ketiye dilê
gel de. Ji ber êrişên hewayî xelk nikare zeviyên xwe bikêlin û çandiniyê bikin.
Her wiha xelk êdî nikare biçin cihên seyrangehan jî. Ev bi serê xwe xeterî û
metirsiyek mezin e. Çekên kîmyewî tên barandin û talanekî mezin çêdibe. Hemû
cûrê teknîkê li ser Kurd û Kurdistanê bikartînin.”
‘Konseptekî
şerê taybet li ser me tê meşandin!’
Hadî di
nava axaftinên xwe de bibîr xist ku gelê Wargeha Mexmûrê penaberên siyasî ne û
wiha pê de çû:“ Me bi saya keda xwe, statuya penaberên siyasî bidest xistiye. Herêma
ku em tê de dijîn, penaber tên biçûk xistin û çavekî cûda temaşeyî penaberan
dikin. Lê bi saya rêxisitna me, ew bi wî awayî temaşeyî me nakin. Ji ber ku em
penaberên perwerdekirî û xwedî îdeolojî ne. Em ne ji birçan penaber bûne, NY û
Iraq vê yekê baş dizane. Ji ber êrişên dewleta Tirk gelek hevdîtinên me çêbûne
û ev bi salane em xebat didin meşandin. Hem bi hêzên siyasî û hem jî bi
hikumetê re em hevdîtinan çêdikin û mijara êrişên hewayî dixin rojeva wan. Lê
ji ber mijarên siyasî, pêşî li van êrişan nagirin. Daxwazên me ji bo parastina
serweriya axa Iraqê ye. Ji ber ku em niha di axa Iraqê de dijîn. Ev rastiyeke
ku konseptek ji aliyê Tirk, PDK, NY û Iraqê ve li ser me tê meşandin.”
‘Helwesta
gelê Iraqê pîroze’
Her wiha
Pûsat komkujiya Zaxoyê bibîr xist û xemgîniya xwe anî ziman û wiha axivî: “Em
ji ber komkujiya Perex a Zaxoyê, pir xemgînin. Helwesta gel mirov dikare pîroz
bike û helwestek di cih de bû. Piştî helwesta gel, ji aliyê rêxistinên gel ve
nerazîbûn hatin nîşandan. Di vê bûyerê de jî hat dîtin ku dewleta Tirk zererê
dide gel. Bi êrişên hewayî gelê Ereb û Kurd qetil dikin. Ji bo vê divê qada
hewayî li Tirkan bê girtin û leşkerên wan li ser axa pîroz bên avêtin. Divê
hikumet bibe xwedî helwest û li gor gel tevbigere. Gel dibêje, bila Tirk ji axa
me derbikeve û rê li êrişên hewayî bên girtin. Ji aliyê rêvebriya herdu herêman
ve xemsariyek mezin heye û divê ev xemsarî bê şikandin.”
Herî dawî
Endamê Komîteya karên derve yê Wargeha Mexmûrê, Hadî Pûsat bang li hikumetê kir
da ku li dijî êrişên dewleta Tirk bibin xwedî helwest û bi teybet qada hewayî
ji dewleta Tirk re bigire. Her wiha bang li gel jî kir da ku ji bo parastina
welatê xwe dakevin qadan û bertekên tûnd nîşan bidin.
0 Yorumlar