Gelê Wargeha Mexmûrê êrişa li ser wargehê şermezar kir û diyar kirin ku ewê heta dawî li hember hemû êrişên dagirkeriyê li berxwebidin û gotin: “Dewleta Tirk û hevalbendên xwe dixwazin me ji wargehê derbixin û DAIŞ’ê li vir bi cih bikin. Çavên wan bênderê em vê wargahê ji DAIŞ’ê re nahêlin.”
Dewleta
Tirk ji bo Wargeha Mexmûrê vala bike gelek siyaset da meşandin, lê bi ser neket.
Niha jî bi êrişên hewayî dixwaze vê daxwaza xwe bi cih bîne, êrişî nava wargehê
dike. Şêniyên wargehê têkildarî êrişên li ser wargehê çêdibin û bêdengiya
Hikumeta Iraqê ya li hember van êrişan helwesta xwe anîn ser ziman û gotin:
“Dem ne demê bêdengiyê ye, dem dema dengê xwe gihadina tevahî cîhanê ye,
dem dema şerê gel ê şoreşgerî xurtkirinê ye. Divê em bi parastina maf û dozê, têkoşînê
bilind bikin.”
Xerîb
Akyurek di destpêka axafitina xwe de diyar kir ku bi van êrişan dixwaze gelê
wargehê bandor bikin û wargeh vala bibe û wiha got: “Ev ne êrişa yekeme û wê ne
ya dawî jî be. Ji bo valakirin û têkbirina sîstema ku niha li wargehê hatiye
rûniştkandin êrişî me dikin. Dixwazin bi van êrişan gel û PKK ji hev qut bikin,
lê bila baş bizanin PKK emin, em PKK ne û wê ti carî negihin armanca xwe.
Neteweyên Yekbûyî yên ku li ser ziman dibêjin em mafê mirovan di parêzin di
piratîkirina gotinên xwe de ne tiştekin. Dijberî vê li kêleka yên ku me dikujin
cih digirin. Malbata Barzanî jî hevkariya van êrişan dike û dixwaze Kurdistnê talan
bikin. Ez bang li Saziyên Navnetewî dikim ku li hember van êrişan li erkê xwe
rabin. Dewleta Tirk û xwefiroşên wek Malbata Barzanî dizanin gel û gerîla hêzê
ji hev digrin, bi vê zanabûnê êrişî gelê wargehê dike. Dema dibînin xwefiroşiya
Malbata Barzanî û dewleta Tirk li çiyayên azad têkdiçin, êrişî wergehê, Şengal
û Rojava dikin.”
Akyurek di
dawiya de balkişand li ser erkê ku dikeve li ser milê ciwanên Kurd û wiha pêde
çû: “Pêwîste em wek ciwan li ser fikir û ramanên Rêbertî rêxistinbûyîna xwe ya
di nava civakê de xurt bikin. Dem ne dema bêdengiyê ye dem dema dengê xwe
gihadina tevahî cîhanê ye, dem dema şerê gel ê şoreşgerî xurt kirinê ye. Divê
em bi parastina maf û dozê, têkoşînê bilind bikin.”
Her wiha
Helîm Îşlek jî da zanîn ku êrişên dewleta Tirk bi hevkariya PDK’ê tên pêkanîn û
wiha peyîvî: “Em van êrişan bi tûndî şermezar dikin. Em li ser axa Iraqê ne, ji
wî re şerme ku li dijî van êrişan bê helwestin. Bi alikariya PDK’ê dewleta Tirk
her roj êrişî wargehê dike. Dewleta Tirk ne tenê ye, Neteweyên Yekbûyî, Iraq û
PDK hevalbend û şîrikên wan in. Lê wê ti carî encam negirin. Ev yek şermek mezine
ji bo Iraq û Neteweyen Yekbûyî. Ev nêzî 30 sale em penaberin, her cihê ku em lê
bicih bûne, ev yek bi serê me anîne. Li wargehên Bihêrê, Nehdar û Nînawayê PDK’ê
bi çekan di nava me de digeriyan, her roj hinek ji me di kuştin û gule li gel direşandin
li gelê wargehê dikir. Niha li vir jî her roj êrişê me dikin, derûniya zarokên
wargehê têkdibin. Dixwazin em vê wargehê valabikin û ew vêderê bikin wargeha
DAIŞ’ê. Çavên wan bênderê em vê wargahê ji DAIŞ’ê re nahêlin.”
Helîm bi
van gotinan dawî li axaftinên xwe anî: “Ev wargeh cihê mişk û maran bû, me kir
cihê jiyanê. Me şehîd li ser vê axê da, em soz didin em ji ya xwe nayên xwar, ger
her roj jî êrişê me bikin heta yek ji me mabe emê li berxwebidin.”
0 Yorumlar