Çeteyên DAIŞ’ê li parêzgeha Seleheddîn a Iraqê û li parêzgeha Kerkûkê ya Başûrê Kurdistanê êrişî 7 xetên voltaja bilind ên ceyranê kirin.
Rêveberiya Polîsên Seleheddînê diyarkir ku çeteyên DAIŞ’ê
bombe xistine binê 4 dîregên elektrîkê yên voltaja zêde û ji dûr ve teqandine.
Hate ragihandin beşeke mezin a bajêr elektrîka xwe ji vir temîn dikir û ji ber
vê li hinek herêm û navçeyan jî elektrîk qut bûye.
Rêveberiya Polîsan a Kerkûkê jî diyar kir çeteyan nêzî
navçeya Hewîce ya li başûrê welat 3 dîregên elektrîkê teqandiye. Hate
diyarkirin çeteyan li vir jî bombe li binê dîregên elektrîkê ve bi cih kirine û
ji dûr ve bi cîhaz teqandine.
Hate ragihandin ji ber êrîşê elektrîka sê taxên bajêr hatiye
qutkirin û ji bo çareserkirina pirsgirêkên xetên elektrîkê ji aliyê Rêveberiya
Elektrîkê a Kerkûkê ve xebat hatine destpêkirin.
Hêjayê gotinê ye ku di mehên havînê yên germ ku pêwîstiya
welatiyan pir zêde bi elektrîkê heyî de çeteyên DAIŞ’ê li parêzgehên Musil,
Kerkûk û Seleheddîn’ê êrişî dîregên elektrîkê dike.
0 Yorumlar