Meşa Rêber Apo ji roja ewil heta îro, ciwantî îfade dike. Pênaseya Azadî ya ku Rêber Apo dibêje 'Azadî xwe di her keliyê de ji nû ve afirandin e' di serî de ruhê ciwantî tînê bîra mirov. Ciwantî hêza xwe nû afirandin e. Dema em li jiyana Rêber Apo binêrin emê dibînin ku li hember her astengî, derbe, êriş û xiyanetê çiqas şert û merc giran bûn jî li gorî vê bersivek mezin pêşxist, xwe ji nû ve afirand û gavên mezin di meşa serkeftinê de avêt. Ev taybetmendiya Rêber Apo ji destpêkê heta îro di gelek mînakan de tê dîtin. Bersiva şehadeta hevalê Rêber Apo yê herî nêz Şehîd Hakî Karer, damerizandina PKK'ê bû. Komploya Navnetewî û girtina derveyî her hiqûq û exlaqê, li Îmraliyê Rêber Apo zivirand Paradîgmaya nû. Ev ji bû sedem ku îro jî her çar aliyên cîhanê mirov azadiya xwe bi azadiya Rêber Apo ve girêdidin. Çiqas zehmetî mezin dibin jî Rêber Apo dikare vê bizivirîne serkeftinê.
Yek ji
qadên ku hêza ciwantî herî xuyaye, şerê Gerîlayên Azadiya Kurdistanê ye. Li
Zap, Avaşîn û Metina em dibînin ku hêzekî ciwan arteşa faşîst a Tirkiyeyê, bi
piştgiriya NATO û xiyanentkarên PDK'ê dişkîne. Dijmin her curê teknîkê
bikartîne û bi rêbazên nemerdane, wek bikaranîna çekên kîmyawî û taktîk nukleerî
şer dike. Gerîla xwe li hember wan êrişên hovane ji nû ve dafirîne, taktîkên nû
pêşdixe û bi israra azadiya welatê xwe dijmin têk dibe. Hêza şerkirinê ya
ciwanan di têkoşîna me de gelek caran hatiye ispatkirin, lê li keleka vê
avakirina pergala civaka xwe, avakirina Modernîteya Demokratîk erka herî girînge
ku ruhê ciwantî têde şerte. Paradîgmaya Rêber Apo xistina pratîkê û Konfederalîzma
Demokratîk avakirin, pêşengtî ji ciwanan dixwaze.
Konferansa
ciwanên cîhanê ku sala derbasbûyî li Parîsê hat li darxistin, gavek pir bi wate
bû. Ciwan ji gelek welatên cîhanê kom bûn ji bo ku erka xwe ya avakirina
cîhanekî azad bi cîh bînin. Hem di asta cîhanî, hem di warê xwe de erka sereke
ya ciwanan afirandina jiyana azad e. Ji komîna xwe heta konfederalîzma
demokratîk a cîhanê pêwîste em bi ruhê ciwantî pêşengtiyê ji avakirinê re bikin.
Ne hewce ye em pir dûr bigerin, em wek ciwanên wargehê rola xwe bileyîzin temam
e. Di warê xwe de xwe rêxistinkirin, xwe perwerdekirin û paradîgmaya Rêber Apo
bi her sê lingên xwe ve xistina pratîkê, erka me ye. Wek ciwan em motora
guhertin û veguhertina civakê ne. Em guhertinê di civaka xwe de didin avakirin,
em destpêkê xwe di fikrên Rêber Apo de kûr dikin û li ser vî bingehî derdora
xwe perwerdebikin û wisa hişmendiya azad pêşbixin. Her neh rehendên Netewa Demokratîk
bi afrênerî xurtkirin, di serî de ev rol berpirsiyariya ciwanan e. Yê ku me
têde bigihîne serkeftinê jî rêbaza têkoşîna Rêber Apo ye. Berxwedana Rêber Apo
li Îmraliyê modernîteya kapîtalîst aniye astek ku hemû qanûnên xwe datînin aliyekê,
ji ber ku baş dizanin roja ku deriyê Îmraliyê vebe, binkeftina wan a îdeolojîk
mutlaq dibe.
Di warê
leşkerî de jî Gerîlayên Azadiya Kurdistanê her curê êrişan vala derdixe û
dijmin li hember ruhê wan ê ciwantî têk diçe. Bi avakirina Konfederalîzma Demokratîk
û afirandina jiyana azad em serkeftina xwe temam bikin. Çiqas em wek ciwan û
kesayet heqîqeta Rêber Apo di xwe de avabikin, ewqas emê bibin hêza têkbirina
sîstema qirkirina Kurdan. Em baş dizanin ku saziyek wek CPT Rêber Apo ji Îmraliyê
dernaxe. Dîwarên Îmraliyê bi pêkanîna rastiya Rêber Apo tên hilweşandin. Ev
pêkanîn jî bi xurtkirina ruhê ciwantî gengaz e!
Baran
Mawa
0 Yorumlar