Li wargehê di bin sîwana Jineolojî de ji bo jinên ciwan dewreyek ya perwerdeya xwe parastina pêş (karate) hatiye destpê kirin. Têkildarî vê mijarê mamosteya perweredeyê Arven Denîz axivî û got: “Pêwistî heye ku her jinek fêrî xweparastina fizîkî ya pêş bibe.”
NÊRGIZ KARA - ROJEV
Dema em
temaşeyî pêvajoyê dikin, em dibînin ku herî zêde êriş û tûndî li ser jin-dayîk
tê pêkanîn, di heman demê de dîsa herî zêde jin tên hedef girtin. Lê mixabin ev
yek li giştî cîhanê derbazdare. Li wargehê jî ji bo ku jin di aliyê fizîkî de
xwe bi parêzin, di bin sîwana Jineolojî de dewreyek ya perwerdeya xwe parastina
fizîkî ya pêş (karate) tê dayîn. Girêdayî xweparastina fîzîkî ya pêş mamosteya
perwerdê Arven Deniz ji rojnama me re axivî.
Arven
Deniz di destpêka axaftina xwe de diyar kir ku ji bo her jinekê perwerdeya
parstina fîzîkî ya pêş pêwîste û wiha pêde çû: “Perwerdeya xweparastina fîzîkî ya
pêş (karate) nêzî 20 roje hatî despêkirin û wê heyvek dewam bike. Piştî bidawî
bû, wê dîsa dewreyên nû werin despêkirin. Nêzî 30 jinên ciwan tevlî perwerdeyê
bûne. Ya ji bo me girîng ewe ku wê jin çawa xwe li hember bûyerên çêdibin biparêzin.
Perwerde niha pir baş derbaz dibe û dema em temaşeyî van xwendevanên xwe dikin
em dibînin ku xwesteka wan ya xwefêrkirinê pir heye. Di serî de pir zehmetî
kêşan, lê dema me hereket da nîşandan êdî pir bi xwestek tevgeriyan. Ji bo her jinekê parastina fizîkî ya pêş pêwîste û divê
xwe fêr bike. Em û xwendevanên ku perwerde dibînin, bi vê xebata ku hatî
despêkirin pir keyfxweşin.”
‘Pêwistî
hat ditîn ku perwedeyek wiha bê dayîn’
Arven di
berdewamiya axftina xwe da zanîn ku wê ev perwerde li gorî derfetên heyî bi
dewreyan werin domandin û wiha got: “Ev xebata ku hatî
destpêkirin wê berdewamiya wê jî were. Em bixwe jî di pêkanîna vê xebatê de pir
keyfxweşin. Ji bo me ya girîng ne mermî teqandine yan jî ne amûrek giran kar
anîne, bi taybet ji bo jinekê ya girîng ewe ku bi hêza destê xwe, xwe biparêze
û gelek tiştan bide guhartin. Ji bo wê jî pêwistî hat dîtin ku perwerdeyek wiha
bê dayîn. Dema me perwerde dayî destpêkrin jî tevlîbûnek pir baş çêbû. Em
hêvîdarin ku dema pêş dewreyên ku bê despêkirin, dîsa tevlîbûnek baş çêbibe. Dîsa
gelek caran jin û keçên me diçin ji derveyî wargehê kar dikin bûyerên pir cûda
weke destdirêjî û bûyerên din çêdibe, ji bo ku xwe jê biparêzin pêwistî bi
perwerdeyek ya xweparastina fizîkî ya pêş heye.”
Arven Denîz di dawiya axaftina xwe de ev bang kir: “Ji
bo her jinekê perwerdeyek a xweparastina fîzîkî ya pêş pêwîste.
0 Yorumlar