Çalakiya nobetê ya li Wargeha Mexmûrê ku ji bo azadiya fîzîkî ya Rêber Apo hatiye destpêkirin, bi koma 65’emîn di roja 330 de didome.
Çalakiya nobetê ya li Wargeha Penaberan a Şehîd Rûstem Cûdî (Mexmûr) ku di 20’ê Tîrmeha 2023’an de ji bo azadiya fîzîkî ya Rêber Apo hatiye destpêkirin, 330 roj li pey xwe hişt û dewrî koma nû ya 65’emîn hat kirin.
Çalakî ji aliyê koma nû ve hate dewrgirtin. Beriya dewrgirtinê deqeyek rêz ji bo tevahî şehîdên Tevgera Azadiya Kurdistanê hat girtin û piştî wê li ser navê koma 64’an Gulîzar Şîrîşeyî axivî.
Gulîzar Şîrîşeyî di destpêka axaftina xwe de balkişand li ser tecrîda girankirî ya li ser Rêberê Gelê Kurd Abdullah Ocalan û wiha got: “Ev demek dirêje em çalakiyên xwe yên ji bo fîzîkî azad kirina Rêber Apo ye. Ev 3’salin me tu agahî ji Rêbertiya xwe nagirin. Em Rêbertî û hemû girtiyên zindanan silav dikin. Ji bo Rêbertiya me çibê xwestin em amaden ku bikin. Em bang li gelê Kurd û gelê azadîxwaz dikin ku ji bo fîzîkî azadiya Rêbertî çalakiyên xwe xurtir bikin.”
Merasîma dewrgirtinê bi dirûşmeyên ‘Bijî Serok Apo’ û ‘Bê Serok Jiyan Nabe’ di dawî bû.
0 Yorumlar